"Мен – Арофатхон Муллажонова, Фарғона шаҳри Янги аср кўчаси 126а-уй 52-хонадондан мактуб йўлламоқдаман. Бошимга тушган ташвиш сабаб, давлатимизнинг инсонпарвар эканига ишонган ҳолда мурожаат қилмоқдаман. Суратдаги бола менинг неварам. Уч ёшдан ошди. 42 кунлик чақалоқ пайтида миясидан операция бўлган. Ҳозир юролмайди, гапиролмайди, кўзи ҳам кўрмайди. Ақлий ривожланмай қолган. Қизим билан неварамга қараймиз. Боёқиш шифохонага кўп тушади. Ўзим хусусий уй-жой мулкдорлари ширкатида фаррош бўлиб ишлайман, ойлик маошим 400 минг сўм атрофида. Неварамга қарайман¸ деб қарзга ботиб кетдим.
Давлат тасарруфида бўлган ташландиқ уйда кўчиб ўтдик, у ерни оқлаб-кўкладик, эски коммунал қарзларни тўладик. Энди эса бизни шу ердан ҳам чиқариб юборишмоқчи. Бу ердан ҳайдалсак қизим ва яримжон неварам билан кўчада яшаймизми? Бизга 2016 йилда уй-жой олиш учун имтиёзли навбат берилган эди. Аммо у навбат ҳали-вери келмайди шекилли. Бу масалада ҳоким ҳузурига кириш учун бир ойдан бери ҳаракат қилаяпман, аммо қабул қилмаяпти. Нима қилишни ҳам билмай қолдик, бошимизни қайси деворга урайлик энди?!" https://www.instagram.com/ozodlikradiosi/
Присоединяйтесь к ОК, чтобы подписаться на группу и комментировать публикации.
Комментарии 1 333