"Ўзбекистон ҳаво йўллари" Тошкентдан Иссиқкўлга биринчи парвозни амалга оширди
“Ўзбекистон ҳаво йўллари” ширкати Тошкентдан Иссиқкўлга парвозларни амалга ошира бошлади.
4 июль куни бортида 190 йўловчи бўлган самолёт Тошкентдан учиб, Томчи қишлоғидаги “Иссиқкўл” аэропортига келиб қўнди.
Хабарда билдирилишича, “Ўзбекистон ҳаво йўллари” ҳафтанинг ҳар сешанба куни Боинг–757-231 самолётида Тошкент-Иссиқкўл йўналиши бўйича қатновни амалга оширади. Тошкентдан Иссиқкўлгача бўлган йўл вақти 1 соат 20 дақиқани ташкил қилади.
Парвозлар Иссиқкўлда сайёҳлик мавсуми якунлангунига қадар, яъни август ойининг охирларигача мунтазам бўлиб туради.
Озодлик радиоси қирғиз хизматининг билдиришича, Қирғизистонда мазкур воқеа Ўзбекистон билан дўстона муносабатларнинг мустаҳкамлана бошлагани рамзи ўлароқ қабул қилинмоқда.
https://www.ozodlik.org/a/28594919.html
Комментарии 94
Хозир купам дам олувчилар булмаса керак..
Хаво бу йил салкин келганига.??