Бироқ бу имкондан фойдаланишга уринган ўзбекистонликларга кўра¸ навбатсиз машина олиш учун ҳам навбат кутишга тўғри келмоқда.
Ўзбекистон президентининг "Хотира ва қадрлаш кунига тайёргарлик кўриш ва уни ўтказиш чора-тадбирлари тўғрисида"ги қарори ижросини таъминлаш масаласида жорий ой бошида ўтказилган ҳукумат йиғинида "Ўзавтосаноат" раиси ўринбосари уруш фахрийларига GM Uzbekistan қўшма корхонасида ишлаб чиқарилаётган ҳар қандай турдаги автомашиналарни бир марталик навбатсиз олиш имконияти тақдим этилаётганини маълум қилган эди.
(Ўзбекистоннинг ўзида ишлаб чиқарилаëтган автомобилларни харид қилиш учун ўзбекистонликлар ҳозирги даврда русумига қараб¸ 3 ойдан 6 ойга қадар навбат кутишади - таҳририят.)
20 апрелга қадар уруш фахрийларига топширилиши айтилган бу сертификат эгалари¸ "Ўзавтосаноат" ваъдасига кўра¸ истаган машинани салондан навбат кутмасдан олиш имконига эга бўлиши керак эди.
20 апрелга келиб ижтимоий тармоқлардаги ўзбекистонликлар муҳокама қилаëтган қизғин мавзулардан бирига айланган "навбатсиз машина олиш" ваъдаси¸ унда қатнашаëтганларнинг ëзишича¸ ўзбек расмийларининг навбатдаги алдовларидан бири бўлиб чиққан:
- "Ушбу сертификат билан уруш фахрийлари навбатсиз автомобил харид қилиш ҳуқуқига эга", деб жар солишди. Сертaфикат билан борсак, “салонда сиз хоҳлаган машина йўқ, уч ой кутасизлар" деяпти. Телевизорда оғиз кўпиртириб, элга жар солинган сертификат ҳеч нарсага ярамайди. Бу сертификатсиз ҳам навбатга туриб¸ шу "консерва банкалар"ни уч-тўрт ойда олиши мумкинку! Демак уруш ветеранларини лақиллатишибди”, - деб ёзди “Потребитель-плюс” гуруҳининг Шоҳруҳ исмли фойдаланувчиси.
Тармоқнинг бошқа бир фойдаланувчиси эса:
“GM Uzbekistan 9 май арафаси фахрийлар юзига тупурди. Ширкат номидан ветеранларга қандайдир сертификатлар топширишди. Бу сертификат билан ҳам уч ой кутиш керак экан. Демак¸ Ўзбекистондаги энг бой ширкат уруш ветеранларига "уч ой кутиш билан машина олиш сертификати"ни берган экан-да. Нима кераги бор эди бу майнавозчиликнинг, - деб ёзди.
Озодлик Тошкент ва Ўзбекистоннинг бошқа шаҳарларидаги автосалонларга боғланиб, уруш фахрийларига берилган сертификат билан қандай машина олиш мумкинлиги билан қизиқди.
Тошкентдаги “Роҳат” автосалони ходими “сертификат бўлганлар ҳам кутиши кераклиги ҳақида ижтимоий тармоқларда ëйинланган хабарларни тасдиқлади:
- Одатда уч ой кутилади. Сертификат декабргача амалда бўлади. Сертификат билан бирга паспорт, ҳарбий билет, агар отангиз ёки бобонгизга берилган сертификатдан сиз фойдаланмоқчи бўлсангиз¸ унинг розилиги ёзилган тилхат, нотариус тасдиқлаган бўлиши керак, кейин маҳалладан шу одам ҳақиқатан ҳам сизнинг отангиз ёки бобонгиз эканини тасдиқловчи справка билан келишингиз керак, - деди Тошкентдаги “Роҳат” автосалони ходими.
Озодлик Ўзбекистондаги бошқа автосалонардан ҳам шунга ўхшаш жавобни олди:
- "Каптива", "Малибу"ларни уч ойдан олти ойгача кутасиз, сертификатингиз бўлса ҳам. Чунки бу машиналар чет элдан келади. "Матиз", "Спарк" олсангиз¸ салонда бўлса¸ бериб юбораверамиз. Лекин салонда бўлмаса¸ кутишга тўғри келади, - деди Тошентдаги "Driver's Village" салони ходими.
Озодлик билан суҳбатда GM Uzbekistan ширкати мулозими машиналарни навбатсиз олиш сертификати билан ҳам айрим машиналарни олиш чўзилиши мумкинлигини эътироф этди:
- Бу сертификатлар асосида навбатсиз шартномалар берилади. "Каптива", "Орландо", "Малибу" автомобилларини озгина кутиш керак бўлади. Чунки бу машиналар чет элдан келади. Ўзимизда чиқадиган "Матиз", "Некция", "Дамас", "Ласетти", "Коболт" автомобиллари узоғи бир ярим ойга чўзилиши мумкин. Лекин, ҳозирги кунда салонларда бўлса уруш фахрийларига cертификатлар билан тезда берилаётганини ҳам биламиз. Чунки бу сертификатлар энг тепадан берилган буйруқ асосида чиқарилган, - деди GM Uzbekistan ширкати мулозими.
GM Uzbekistan қўшма корхонасининг йилига 250 минг дона енгил автомобил ишлаб чиқариши айтилади. Ўзбекистонда эса¸ 2017 йилнинг апрелига келиб¸ расмий манбаларга кўра¸ 2-жаҳон урушида қатнашган 1542 нафар уруш фахрийси яшамоқда.
Бундан ўн йил аввал Ўзбекистонда 16 мингдан ортиқ уруш фахрийси бўлган.
Ўтган йили Ўзбекистон ҳукумати аксариятининг ëши 90 дан ошган уруш фахрийларига мамлакатда ишлаб чиқарилган уяли телефонлар совға қилган эди.
2-жаҳон уруши даврида 1,5 миллион ўзбекистонлик фронтга кетиб¸ улардан ярим миллиони ортга қайтмаган. http://www.ozodlik.org/a/28441273.html
Присоединяйтесь к ОК, чтобы подписаться на группу и комментировать публикации.
Комментарии 27
ГИЙБАТЧИ
ЯНА ШУ КИЗ А
КИМ БУ