2019 жылдың 23 тамыз күні «Жастар жылы» деп жариялауға байланысты «Жас Отан» Жастар қанатының Батыс Қазақстан облыстық филиалы аудан мен ауыл жастарын қолдауға бағытталған «Жастар керуені» жастар жобасы Бәйтерек ауданының Переметное ауылында болды.

Жоба бағдарламасы бойынша әртүрлі бағыттағы мамандармен кездесулер, тренинг алаңдары ұйымдастырылды, онда ұлттық, аймақтық деңгейдегі тренерлер сөз сөйледі. Қатысушылар үшін Фристайл, StreetWorkout сияқты спорт түрлерінен мастер-класс өткізілді. Кездесулер түстер фестивалі мен облыстың жас әртістерінің гала-концертімен аяқталды. Концерт барысында «Жалын» ЖДО психолог-маманы Яфарова Ю. Б. ұйымдастыруымен, «Сау болу – сәнді!» атты салауатты өмір салты аспектілері бойынша викторина өткізілді. СӨС бойынша екі тілде сұрақтар қойылып, дұрыс жауабын тапқан қатысушыларға әртүрлі сыйлықтар берілді.