Гэта літургічны перыяд у Касцёле, калі веруючыя рыхтуюцца да прыйсця Збаўцы Езуса Хрыста. Гэта час падрыхтоўкі, каб годна сустрэцца з Ім. Падрыхтоўка адбываецца на розных узроўнях у жыцці веруючага чалавека.
Прыйсця Месіі людзі чакалі доўгі час. Хрыстос сам кажа ў Евангеллі тым людзям, якія мелі магчымасць сустракацца з Ім: "Шчаслівыя вочы вашыя, таму што бачаць, і вушы вашыя, таму што чуюць. Бо сапраўды кажу вам: многія прарокі і справядлівыя хацелі ўбачыць тое, што вы бачыце, і не ўбачылі, і пачуць тое, што вы чуеце, і не пачулі!" (Мц 13,16-17).
Езус сам добра ведаў, што Яго чакалі.
У нашым жыцці мы чакаем кагосьці ці чагосьці. Чаканне суправаджае нас кожны дзень. У залежнасці ад розных акалічнасцяў гэтае чаканне можа мець альбо пазітыўны характар, альбо выклікаць думкі, што лепш бы тое, што мае надыйсці, не паяўлялася на гарызонце.
Таму варта знайсці час і нагоду, каб асабіста адказаць на нступныя пытанні. Чаго я чакаю ад Бога, іншых, самога сябе? Што раблю падчас чакання? Якія пачуцці мяне суправаджаюць?
Габрэі вельмі доўга чакалі прыйсця Месіі. Яны спадзяваліся, што Збаўца хутка наведае свой народ і прынясе жаданае ўратаванне з няволі грахоў.
Адвэнт - гэта асаблівы час, у якім мы вучымся чакаць. "Дайце, нябёсы, росы з вышыняў, хмары, спашліце Бога Месію".
Няхай сёлетні Адвэнт дапамагае мне прыглядацца да практыкі чакання ў сваім жыцці. Няхай дапамагае практыкавацца ў цярплівасці, даверы да Бога, уменні быць паслухмяным Божай волі.
"Прыйдзі, мы цябе чакаем.
Прыйдзі, так як новага дня святло.
Клічам: прыйдзі, няхай будзе радасць
Духа Святога Твайго".
Фотаздымак www.101highlandlakes.com #марыяне #адвэнт
Присоединяйтесь к ОК, чтобы подписаться на группу и комментировать публикации.
Комментарии 1