«Я ня згодная з гэтым рэжымам»: 89-гадовая жанчына, якую аштрафавалі, бо прыйшла да навагодняй ялінкі.

«У мяне няма слоў. Гэты „прэзыдэнт АМАПу“ круціцца, як вуж на патэльні, ілжэ. І нельга слова сказаць, могуць па галаве даць, — кажа 89-гадовая Валерыя, якую сёньня аштрафавалі на 870 рублёў (больш за яе пэнсію). — Я раней ляжала і бачу праз інтэрнэт, як людзей зьбіваюць. Я ня згодная з гэтым рэжымам. Я думаю, чаго я ляжу, там гінуць людзі. Ну і пайшла».