Яна сени кечирмокчиман,

Фақат вужуд ўтда ёнади.
Онгим сени кечирмай дейди,
Аммо қалбим ундан тонади.
Яна сени кечирмоқчиман,
Аламларда азоб чекаман.
Ошларимда маза қолмади,
Қайта қайта огу ичаман.
Яна сени кечирмокчиман,
Қон ўрнида оқсада зардоб.
Хижронларда қолган кунларим,
Осмонимда куринмас офтоб.
Яна сени кечирмоқчиман,
Шайтонларга ўрнак бўлсангда,
Фариштам деб сиғингум ҳамон,
Юрагимга ханжар урсангда.