Па дадзеных арнітолагаў мільярды птушак штогод разбіваюцца аб шкляныя і люстраныя паверхні будынкаў.

Асабліва ўвосень масава гінуць маладыя лясныя птушкі, якія ніколі не бачылі горада.
Птушкі не ўспрымаюць празрыстую ці люстраную паверхню як перашкоду. Часам яны бачаць у адлюстраванні кусты і дрэвы, або хочуць праляцець будынак наскрозь. Гэта не натуральны адбор, а смяротная пастка, створаная чалавекам. Большасць такіх сутыкненняў заканчваецца гібеллю птушак.
Што можна зрабіць, каб дапамагчы птушкам?
✅ Архітэктарам і праекціроўшчыкам: пры праектаванні новых будынкаў выкарыстоўваць спецыяльнае шкло, заўважнае для птушак. Або нанасіць на шкло спецыяльныя налепкі.
✅ Уладальнікам будынкаў і кватэр, аб вокны якіх часта разбіваюцца птушкі: зрабіць шкло заўважным для птушак. Парады тут https://ok.ru/wildlife.belarus/topic/156890144596932 Калі птушка, якая ўдарылася ў шкло, яшчэ жывая:
1️⃣ Акуратна злаві яе, каб не нашкодзіць. Калі ўцякае, накінь на яе шапку, шалік ці нешта іншае.
2️⃣ Пасадзі птушку ў каробку з крышкай.
3️⃣ Прытрымлівайся правіла “Тры Ц”: ціха, цёмна, цёпла. Так птушка будзе адчуваць сябе ў бяспецы.
4️⃣ Калі птушка не атрымала сур’ёзных траўм, то праз некалькі дзясяткаў хвілін ці гадзін яна ажывіцца, будзе спрабаваць выбрацца са скрыні і рэагаваць на цябе. Тады яе можна выпускаць. Лепш за ўсё каля кустоў падалей ад будынкаў.
❌ Ні ў якім разе не паі, не кармі птушку, самастойна не ўпраўляй канцавіны, не падкідвай пры выпуску!
Калі стан птушкі не паляпшаецца, звярніся да ветэрынара, або ў цэнтры рэабілітацыі дзікіх жывёл, ці папрасі дапамогі ў чаце "Ціў-Ціў" t.me/ptushkachat .
📷 На фота Irina Baltrūnienė частка з болей чым 300 жоўтагаловых каралькоў, якія разбіліся аб шкло будынка за адзін дзень у Літве на днях.