Жанчына, якая змяніла навуку

Учора, 1 кастрычніка, свет страціў легендарную жанчыну – прыматолага Джэйн Гудал. Яна пражыла 91 год.
👩🐒 Больш за 60 гадоў Джэйн вывучала шымпанзэ ў Танзаніі, змяніўшы нашы ўяўленні пра гэтых блізкіх да чалавека прыматаў. Яна першай выявіла, што шымпанзэ карыстаюцца інструментамі – галінкамі для здабычы тэрмітаў і камянямі для разломкі арэхаў, а таксама могуць іх ствараць. Дагэтуль лічылася, што толькі людзям хапае інтэлекту, каб карыстацца прыладамі. Джэйн даказала, што ў шымпанзэ ёсць складаныя сацыяльныя сувязі і эмоцыі, падобныя да чалавечых.
💚 Яна натхніла мільёны людзей клапаціцца пра прыроду. Джэйн заснавала міжнародны Інстытут Джэйн Гудал і міжнародную дзіцячую праграму «Roots & Shoots», якая залучыла тысячы дзяцей да абароны прыроды.
Яна першай пачала даваць імёны дзікім жывёлам у даследаваннях замест нумароў. Пазней стала актывісткай за вызваленне шымпанзэ з няволі і прыцягвала ўвагу да кліматычнага крызісу.
Цікава, што ў Джэйн была празапагнозія – страта здольнасці распазнаваць твары. Але розных шымпанзэ яна пазнавала.
Джэйн пісала кнігі для дзяцей і дарослых, друкавалася ў вядучых навуковых часопісах, была паслом міру ААН і Дамай ордэна Брытанскай імперыі, атрымала медаль свабоды ад прэзідэнта ЗША.
👩‍🎓 Яна змяніла ўспрыманне жанчын у навуцы: дзякуючы ёй цяпер у прыматалогіі прыкладна роўная колькасць жанчын і мужчын.
Без вышэйшай адукацыі Джэйн напісала і абараніла доктарскую дысертацыю і даказала, што настойлівасць і любоў да навукі — ключы да вялікіх адкрыццяў.
“Тое, што робіш, мае значэнне, і ты вырашаеш сам, якое менавіта яно будзе,” – Джэйн Гудал.
📖 Вельмі раім прачытаць яе кнігу “В тени человека”.