“Я не ўмею фоткаць птушак, у мяне няма добрай камеры – фотабёрдынг не для мяне…”

Адкінь негатыўныя думкі і паспрабуй паўдзельнічаць у чэмпіянаце. Для гэтага не трэба быць ні вопытным фатографам, ні птушкаром. Галоўнае – інтарэс да птушак.
Паглядзі на гэтыя фота, якія былі зроблены падчас аднаго з чэмпіянатаў. Такой якасці дастаткова – галоўнае, каб на фота было відаць прыкметы віду.
Калі ты не вельмі добра разбіраешся ў птушках, чэмпіянат – гэта крутая трэніроўка, каб навучыцца іх вызначаць. 👍 Журы дапаможа правільна вызначыць усіх сфатаграфаваных птушак і за новыя віды для спісу атрымаеш балы.
✅ Твая задача – за 7 гадзін сфатаграфаваць як мага больш відаў птушак.
Можна карыстацца вызначальнікамі птушак і дапамогай сяброў.
🤗 Парады па фатаграфаванні птушак тутака https://wilderness.by/news/kak-fotografirovat-ptits-15-sovetov-uchastnikam-chempionata 🏆 Прызёры і пераможцы ў дадатковых намінацыях атрымаюць дыпломы і ўзнагароды.
📃 А яшчэ кожны ўдзельнік атрымае сертыфікат з колькасцю сфатаграфаваных відаў птушак. З кожным годам зможаш адсочваць свой прагрэс.
Кошт удзелу:
▪️25 рублёў з дарослага,
▪️15 рублёў, калі палічыш птушак для Восеньскіх дзён назіранняў за птушкамі EuroBirdwatch-2025,
▪️бясплатна для сябраў “Дзікага клуба” ( https://birdingbelarus.by/dikiyklub ) і дзяцей.
👉 Чытай правілы чэмпіянату і рэгіструйся. Спаборніцтвы ўжо ў гэтую суботу, 4 кастрычніка. https://wilderness.by/news/priglashaem-na-osennij-chempionat-po-fotobyordingu-4-oktyabrya-v-subbotu 📷 На фота ўдзельніцы Алесі Башарымавай грак (грач); вялікі грычун (серый сорокопут) Мікалая Вараб’я.