http://tv-soyuz.ru/ Передача "Читаем Евангелие вместе с Церковью" на православном телеканале "Союз" со священником Анатолием Куликовым. 4 января Святой Церковью читается Евангелие от Луки . Глава 7, стихи с 36 по 50 стих 04 января 2011 36 Моляше же Его некий от фарисей, дабы ял с ним: и вшед в дом фарисеов, возлеже. 37 И се, жена во граде, яже бе грешница, и уведевши, яко возлежит во храмине фарисеове, принесши алавастр мира, 38 и ставши при ногу Его созади, плачущися, начат умывати нозе Его слезами, и власы главы своея отираше, и облобызаше нозе Его, и мазаше миром. 39 Видев же фарисей воззвавый Его, рече в себе, глаголя: Сей аще бы был пророк, ведел бы, кто и какова жена прикасается Ему: яко грешница есть. 40 И отвещав Иисус рече к нему: Симоне, имам ти нечто рещи. Он же рече: Учителю, рцы. 41 Иисус же рече: два должника беста заимодавцу некоему: един бе должен пятиюсот динарий, другий же пятиюдесят: 42 не имущема же има воздати, обема отда. Который убо ею, рцы, паче возлюбит его; 43 Отвещав же Симон рече: мню, яко емуже вящше отда. Он же рече ему: право судил еси. 44 И обращься к жене, Симонови рече: видиши ли сию жену; Внидох в дом твой, воды на нозе Мои не дал еси: сия же слезами облия Ми нозе и власы главы своея отре. 45 Лобзания Ми не дал еси: сия же, отнелиже внидох, не преста облобызающи Ми нозе. 46 Маслом главы Моея не помазал еси: сия же миром помаза Ми нозе. 47 Егоже ради, глаголю ти, отпущаются греси ея мнози, яко возлюби много: а емуже мало оставляется, менше любит. 48 Рече же ей: отпущаются тебе греси. 49 И начаша возлежащии с Ним глаголати в себе: кто сей есть, иже и грехи отпущает; 50 Рече же к жене: вера твоя спасе тя: иди в мире. Евангелие Библия толкование православие христианство вера религия Бог Господь Иисус Христос Союз проповедь Церковь смерть любовь жизнь душа дух духовность духовная жизнь