КАРАЧУН Юрый Аляксандравіч, нарадзіўся 27.12.1931 г. у Мінску. Бацькі родам з в. Кухцічы. Любіў маляваць Уздзеншчыну, часта бываў у Кухцічах. Беларускі мастак, мастацтвазнавец. Член Беларускага саюза мастакоў з 1988 г. Заслужаны дзеяч мастацтваў Беларусі (1992). Закончыў Мінскае мастацкае вучылішча (1952), Маскоўскі паліграфічны інстытут (1965). Працаваў галоўным мастаком выдавецтва «Ураджай» (1964 — 1969), начальнікам аддзела выяўленчага мастацтва Міністэрства культуры Беларусі (1972 — 1975), з 1977 г. дырэктарам Нацыянальнага мастацкага музея Беларусі. Удзельнік мастацкіх выставак з 1966 г. Працаваў у галіне станковага малюнка, акварэлі і кніжнай графікі. Аформіў кнігі «Па лабірынтах жывой прыроды» (1971), «Як ствараліся культурныя расліны» (1976), зборнік «Лекавыя якасці сельскагаспадарчых раслін» (1974). Аўтар-складальнік альбомаў «Янка Купала ў творчасці мастакоў» і «Якуб Колас у творчасці мастакоў» (абодва 1982). Сярод станковых работ — «Сосны» (1965), «Ружовая сядзіба»(1969), «Жнівень» (1980) і інш. Памёр 11.6.1997 г. Пасмяротна ўзнагароджаны ордэнам Дружбы Расійскай Федэрацыі за дасягненні ў музейнай справе (1997). Імі ганарыцца Уздзеншчына. Памяць. Уздзенскі раён