Մարդկանց համբերության բաժակը լցվել է. Գագիկ Ծառուկյան
Ոչ իշխանական ուժերի հրավիրած խորհրդաժողովին ԲՀԿ առաջնորդ Գագիկ Ծառուկյանը մի քանի ուղերձ հղեց հանրությանը: Դրանցից առաջինը կոչ էր ժողովրդին` չհոգնել, չհիասթափվել անտարբերության պատնեշը կոտրելու հարցում: Նա նաև տեղեկացրեց, որ առաջիկայում խոշոր հանրահավաքներ են լինելու մարզերում և համապետական հզոր հանրահավաք` Երևանում: ԲՀԿ առաջնորդը նաև ուղերձ հղեց իշխանությանը` հետևություն անել ստեղծված վիճակից: Նրա խոսքով` ընդդիմությունը պետք է ակտիվորեն ներգրավված լինի պետականաշինության գործընթացներում: Պետք է լինի բազմակուսակցական խորհրդարան, իրական կոալիցիոն կառավարություն, որտեղ խաղի միակ կանոնը կլինի օրենքը, պետության շահը, հասարակական կարծիքը: Ծառուկյանն ընդգծեց` մի կուսակցությունը մեկ այլով, մի անձին մյուսով փոխարինելը խնդրի լուծում չէ: Անհրաժեշտ է նոր իշխանություն` նոր մարդկանցով: ԲՀԿ առաջնորդը հրավիրում է բոլոր կրթված երիտասարդներին` գալ և իրենց ունակությունները ներդնել ի նպաստ մեր երկրի, ներկայացնել գործնական ծրագրեր, այդ նպատակով նա պատրաստ է սեփական միջոցները ներդնել:
www.yerevan.today
Показать еще
Присоединяйтесь — мы покажем вам много интересного
Присоединяйтесь к ОК, чтобы посмотреть больше интересных видео и найти новых друзей.