Жалолобод вилоятининг Олабуқа туманида ўн йилликка йиғилган синфдошлар кўприк қуришди. Ўриксой қишлоғининг 2007 -йилги битирувчилари мактабни битирганига 10 йил тўлиши муносабати билан ўзлари истиқомат қилган жойлари учун фойдали иш қилишга бел боғлашди. Қишлоқнинг киравериши ва ўртасидаги икки кўприк торлиги боис янгилашга мухтож эди. Ташаббус синфдошлар томонидан кўтарилиб, қурулишни ўз қўллари билан олиб боришмоқда. Бунинг учун улар 100 минг сомдан ортиқ маблағ тўплаб, кўприкни икки машина тенг келса бемалол ўтадиган қилишди. Олабуқа туманидаги Ўрикти сув ва Ўрикти сой қишлоқларини бирлаштирган кўприк икки қишлоқнинг узоқ йўлини қисқартирди. Авваллари кўприк тор бўлиб, машиналар ўтишида қийинчиликлар юзага келган. Муаммони ҳал қилишни №18 Жолчубек Бешимов номидаги мактабни 10 йил аввал битирганлар қўлга олишди. Улар дабдабали тадбирга сарфланувчи маблағни кўприк қуришга сарфлашмоқда. Ҳозирда қурилиш ишлари қизғин олиб бориляпти “3-4та таклифларни ўртага қўйдик. Унинг ичидан мана шу кўприкни қуруш муҳимлигини ўйлаб, шунга тўхталдик. Синфдошлар ичидан 20 нафар йигитларимиз ҳозир мана шу ишни бошладик”,- дейди битирувчи Маданбек Ниязбеков 10 йиллик тадбирни нишонлаётган синфдошлар қурилишга 170 минг сомга яқин маблағ тўплашган. Унга керакли қурилиш ашёлари олиниб, усталар ўрнига ўзлари ишламоқда. Бундай яхши хабар қишлоқ аҳолисини ҳам қувонтирган. Бу қишлоқликларга совға бўлиш билан бирга, кейинги битирувчиларга намуна ҳам бўлади дейди яшовчилар. Ўтган йили ҳам бу каби ташаббус амалга ошган. 10 йилликни нишонлаган битирувчилар қишлоққа етти автобекат қуриб беришган. Аввалги битирувчилар мактаб учунгина фойдали нарсаларни амалга оширган бўлса, энди қишлоқ муаммоларини ҳал қилиш ташаббуси қўлга ола бошлашган. Синфдошлар ташаббусни маҳаллий ҳукумат ҳам мақуллаб, техник ёрдамлар кўрсатмоқда. Келгуси 10 йиллик учун тўпланувчи маблағ ҳам шу каби ишларга сарфланиб, қишлоқ кўчаларини ёритиш ишлари режалаштирилмоқда.