Տղերքի՝ իմ բոլոր Ընկերների հիշատակին, ծանոթ ու անծանոթ:
Dedicated to my brothers, those who defended our homeland
28.01.1993
Վեր կաց եղբայր իմ,երգս կիսեմ քեզ հետ,
Վեր կաց եղբայր իմ, ցավը կիսենք մեկ տեղ,
Սառած մարմնիդ ես հուր կտամ,
Իսկ երգերին թեվեր կտամ:
Ու քեզ, տանեմ մեր սարերով,
Ու քեզ, տանեմ մեր լեռներով,
Ցույց տամ երկինքը մեր,
Մասիսը ալեհեր,
Ու տունը, հայրենի մեր տունը:
Վեր կաց եղբայր իմ,նոր օրն է արթնացել,
Վեր կաց եղբայր իմ, նոր կյանքն է շունչ առել,
Կապույտ երկնի անմար արքան,
Անտառների կանաչ հսկան:
Իսկ ես, տանեմ քեզ սարերով,
Իսկ ես, տանեմ քեզ լեռներով
Ցույց տամ երկինքը մեր,
Մասիսը ալեհեր,
Ու տունը, հայրենի մեր տունը:
Բարձրացրու գլուխդ զինվոր,
Բաց արա հոգնած կոպերդ,
Քո սխրանքն անմահ է,
Քո անունը` մեր սրտերում:
Վեր կաց եղբայր իմ,զանգերը չեն լռել,
Վեր կաց եղբայր,մեր երգը չենք գրել,
Կիսատ երգիդ նոր տող թելեմ,
Կիսատ զարկիդ նոր զարկ ձուլեմ:
Ու քեզ, տանեմ մեր սարերով,
Ու քեզ, տանեմ մեր լեռներով,
Ցույց տամ երկինքը մեր,
Մասիսը ալեհեր,
Ու տունը...,
հայրենի մեր տունը...