Վարչապետն ընդունել է զոհված զինծառայող Արթուր Աջամյանի հարազատներին
Դեկտեմբերի 2-ին զոհված, ազգությամբ եզդի զինծառայող Արթուր Աջամյանի հարազատներին վստահեցրեց ՀՀ վարչապետ Նիկոլ Փաշինյանը, ով քիչ առաջ հանդիպեց զոհվածի մոր
, հորեղբոր, պապի և նրանց փաստաբանի հետ:
Հիշեցնենք, որ այսօր վաղ առավոտից զոհված զինծառայողների հարազատները բողոքի ակցիա էին իրականացնում կառավարության շենքի առջև՝ պահանջելով հանդիպում վարչապետ Նիկոլ Փաշինյանի հետ:
Նրանք անգամ որոշ ժամանակով փակեցին Տիգրան Մեծի պողոտան, սակայն ոստիկաններին հաջողվեց վերականգնել այդ հատվածում երթևեկությունը:
Զոհված զինծառայողների հարազատները լրագրողների հետ զրույցում պնդում էին, որ փորձ է արվում սպանությունը ներկայացնել ինքնասպանություն և կոծկել գործի ամբողջական բացահայտումը: Նրանք հայտարարում էին, որ վստահում են միայն վարչապետ Նիկոլ Փաշինյանին և իրենց հույսը կապում են վերջինիս հետ:
Վարչապետի հետ հանդիպման ժամանակ զինծառայողի պապը նշեց, որ դիակի դիահերձմանը ներկա է գտնվել և բռնության հետքեր է տեսել զոհվածի ոտքերի, ձեռքերի հատվածքում:
Ի պատասխան Ն. Փաշինյանը նկատեց, որ իրեն հակառակն են զեկուցել՝ նշելով, որ շատ հաճախ հարազատները դիաբծերը շփոթում են բռնության հետքերի հետ:
«Տեղի է ունեցել շատ մեծ ողբերգություն։ Քրեական գործ է հարուցված երկու և ավելի անձանց սպանության փորձի առիթով։ Հիմա քննություն է գնում և պետք է պարզվի, թե ինչ է տեղի ունեցել։ Մեր տղային չենք կարող հետ բերել, բայց ամեն ինչ կանենք, որպեսզի քննությունը օբյեկտիվ լինի», - ընդգծեց
վարչապետը:
Ըստ նրա՝ կատարվածի հիմքում երեխաների շրջանում գողական արժեքների քարոզն է, արժանապատվության աղավաղված զգացումը, մարդու կյանքը չգնահատելը:
Ա. Աջամյանի պապի խոսքերով՝ իրենց տղայի դեպքն առաջինը չէ, իսկ նման դեպքերի շարունակականությունը գալիս է նրանից, որ նրա գնահատմամբ՝ Պաշտպանության նախարարը թույլ է:
Էլիզա Զախարյան, http://nt.am/am/news/277696/
Показать еще
Присоединяйтесь — мы покажем вам много интересного
Присоединяйтесь к ОК, чтобы посмотреть больше интересных видео и найти новых друзей.