Auther-Hayk Grigoryan
-------------------------------------------
Actor-Ramos Minassian
-------------------------------------------
Director-Gegham Tadevosyan
-----------------------------------------------
Music-Alim Zairov-Angels
-------------------------------------------
Record-Sergey Hovhannisyan
---------------------------------------------
{Text}
"Չեմ ընդունում"
Ես չեմ եղել երբեք գոռոզ՝
Գոռոզներին չեմ ընդունում։
Չեմ ընդունում երբ մարդն իրեն
Մեկ այլ մարդուց բարձր է դասում։
Սխալվողին՝ հասկանում եմ,
Ես էլ ձեր պես կատարյալ չեմ,
Բայց երբ սխալը չեն ընդունում՝
Նմաններին չեմ ընդունում։
Չեմ ընդունում այն ընկերներին,
Ով ընկերոջը թողնում է գետնին,
Երբ հարկավոր է ընկերություն՝
Օգնության ձեռք չեն էլ մեկնում։
Եթե մեկնում է, ապա մի խորթ
Ու անծանոթ թշնամու ձեռք,
Որից կառչել, բարձրանալը
Առնվազն ստորանալ է։
Նմանատիպ «ընկերները»
Միշտ շրջում են պարզ ճակատով.
Ինձ կներեք, բայց թքում եմ
Նմանների պարզ ճակատին։
Չեմ ընդունում գնացողին,
Ուրացողին, մոռացողին,
Միայն իր ծառը ջրողին,
Ուրիշ ծառեր ման եկողին։
Որովհետև ես էլ ձեր պես
Մոլորվել եմ ու սխալվել,
Բայց աշխարհում ոչ մի հոգու
Ու ոչ մեկին ես չեմ լքել։
Չեմ ընդունում փառամոլին,
Անվերջ ամբոխ փնտրողներին,
Անհայտ, անտակտ հայտնիներին,
Երգող, պարող կապիկներին։
Չեմ ընդունում փառքի համար
Ուրիշի անկողին մտնողներին,
Կամ անկողնուց փախչողներին,
Պոռնիկներին չեմ ընդունում:
Ցածր ճաշակ թելադրողին
Չեմ ընդունել, ու չեմ ընդունում,
Որ ասում են, թե արվեստ է,
Երբ անսիրտը՝ սեր է երգում։
Երբ չտեսն է կյանք բացատրում,
Անհավատը՝ քարոզ կարդում,
Նման կեղծ ու անարվեստ
Արտիստներին չեմ ընդունում։
Չեմ ընդունել ու չեմ ընդունում,
Երբ ամբոխում չկա անհատ,
Ու քրիստոնյան չունի հավատ...
Անաստվածին չեմ ընդունում։
Երբ ծիծաղում են ու լռում,
Խոսում միայն պետքի համար.
Ասեք, ինչպե՞ս ես ընդունեմ
Նման էժան գաղափար։
Չեմ ընդունում կիսատ սերը,
Երկմտանքը, կասկածանքը,
Երբ դավաճան է դառնում կինը,
Կամ լքում է ամուսինը։
Ու Երբ մարդու սկզբունքները
Բարձր են նրա արժեքներից,
Երբ գողանում է մեծը փոքրից,
Երբ նա էժան է իր շորերից։
Երբ չափում են ու փորձում են,
Քարկոծում ու բամբասում են,
Երբ քո անհաջողության վրա՝
Դիմակի տակից ժպտում են։
Չեմ ընդունում ու չեմ սիրում,
Երբ ինքս եմ թերանում,
Երբ մեղքերը իմ չեմ քավում՝
Մեղավորիս՝ չեմ ընդունում։
Ես սիրում եմ մարդկայինը,
Ճշմարիտն ու հասարակը...
Հավատարիմ ընկերներին,
Ամբողջ սրտով սիրողներին։
Սիրում եմ ես ներողներին,
Սրտում կռիվ անողներին,
Ու երբ հոգու խորքում բարին,
Միշտ հաղթում է անգութ չարին։