АЛЛОҲИМНИНГ МЕҲРИ КЕНГ.

Сиз Қуръондан бир ҳарф ўқидингиз, билингки сизга бир ҳасанот ёзилади. Қарангки олган бир ҳасанотингиз, ўн ҳасанот баробарича экан...
Сиз бир етимни ўз қарамоғингизга олдингиз. Шукурлар келтирингки, сиз Жаннатда Расулуллоҳга хамроҳ бўласиз.
Сиз 100 марта "СУБХАНАЛЛОХ" дедингиз ва сизга фаришталар 1000 ҳасанот ёзиб бўлишди.
Сиз "Каҳф" сурасининг аввалидан ўн оят ёдладингиз. Энди қарангки, сиз дажжол фитнасидан омонда бўлдингиз.
Сиз Расулуллоҳ соллаллоҳу алайҳи васалламга бир саловот айтдингиз. Аллоҳимни Улуғ ва Меҳрибон Зотлигини қарангки, Аллоҳ сизга ўн саловот айтди.
Сиз фарз намоздан сўнг "ОЯТАЛ КУРСИ"ни ўқидингиз, Аллоҳимни Қудрат Эгаси эканлигини қарангки, энди сизни жаннатга киришлигингиздан фақатгина ўлимингиз тўсиб туради, холос.
Сиз ранжиган бўлсангиз ҳам ўзингиз кечирим сўраб қариндош-уруғликни боғладингиз (Аллоҳ учун)
энди қарангки, Аллоҳ сизнинг умрингизга ва ризқингизга кенгчилик ва барака қўшиб берди.
Сиз бир биродарингизга ғайбан дуо қилдингиз. Шунда дархол бир фаришта: "АМИЙН, сенга ҳам ўша мислича бўлсин", -деб қайтариб турибди.
Ҳа азизлар!
Аллоҳимни шу қадар даргоҳи кенг ва меҳри чексизки, У Зотга қанча шукурлар келтирсак шунча оздир!