Андрыевічы, да вашай увагі!

Мажліва тыя, хто адсочвае свае карэньчыкі, зацікавіцца. Збіраючы інфармацыю на тэмат эміграцыі ўсходніх крэсаў 19-га пачатку 20-га стагоддзя, натрапіла на звесткі аб сям'і эмігрантаў пад прозвішчам АНДРЫЕВІЧ. Цалкам магчыма, што нехта з землякоў. Андрыевіч Казімір ва ўзросце 28 гадоў разам з жонкай Сафіяй (21 год) і сынам Алекс (3 месяцы) 13 мая 1896 года з Брэмена адправіўся ў Амерыку. На фота скрыны пасажырскага маніфесту, знойдзеныя на сайце Эліс-Айленда. (Востраў, дзе уздымаецца статуя свабоды). Эліс-Айлэнд, невялікі востраў у Нью-Йоркскай гавані, служыў у якасці месца першай Федэральнай іміграцыйнай станцыі амерыканцаў. З 1892 па 1954 год, больш за 12 мільёнаў імігрантаў заехала ў Злучаныя Штаты праз выспу Эліс. На сённяшні дзень каля 100 мільёнаў людзей (нашчадкі гэтых імігрантаў Эліс-Айленда складаюць больш за 40% насельніцтва краіны).