23 декабря (10 декабря по юлианскому календарю).

Иже во святых отца нашего Иоасафа Епископа Белоградскаго Чудотворца (1754).
Рождение Главы Российского Императорского Дома Романовых Е.И.В. Государыни Великой Княгини Марии Владимировны (1953)
Тропарь, глас 3: Святителю Христу Богу возлюбленне, правило веры и образ милосердия людем был еси, бдением же, постом и молитвою яко светильник пресветлый просиял еси, и прославлен от Бога явился еси: телом убо в нетлении почивая, духом же Престолу Божию предстоя, чудеса преславная источаеши. Моли Христа Бога, да утвердит Отечество наше в Православии и благочестии и спасет души наша.
Ин тропарь, глас 2: Молитвенниче издетства преизрядный, Богоизбранный святителю Христов Иоасафе, правило веры и образ милосердия благочестным житием всем являеши и с верою к тебе притекающим обильно исцеления источаеши. Моли Христа Бога, да утвердит в державе Российстей правоверие, мир и благочестие и спасет души наша.
***
Молитва иже во святых отца нашего Иоасафа
Епископа Белоградскаго Чудотворца
Буди благословен день и час, в онь же Господь мой Иисус Христос мене ради родися, распятие претерпе и смертию пострада. О, Господи Иисусе Христе, Сыне Божий! В час смерти моея приими дух раба Твоего, в странствии суща, молитвами Пречистыя Твоея Матери и всех Святых Твоих, яко благословен во веки веков. Аминь.
***
Молитва в день прославления иже во святых отца нашего Иоасафа
Епископа Белоградскаго Чудотворца (4/17 сентября 1911 г.)
В великий и празднственный день сей, день твоего на земли прославления, Святителю Отче Иоасафе, Земли нашея славо и радование великое, прими сия смиренная и теплая моления наша. Днесь зрим исполнившийся глагол Господень: прославляющыя Мя прославлю. Се бо во дни земнаго жития твоего ничесоже искал еси, точию еже волю Божию исполняти и чада паствы твоея управити во спасение, и того ради многия труды, скорби, болезни и путешествия подъял еси. По скончании же твоем прослави тя Милосердый Господь, телеси твоему нетление и силы целебныя даровавый: темже токи исцелений молящымся источил еси, и призывающым тя недугующым и скорбящым многажды являлся еси, утешение и цельбу скорую тем подавая.
Сего ради, якоже избранника Божественныя благодати тя ведущи, Церковь Христова днесь прославити тя якоже новаго чудотворца Земли нашея сподобися. Благослови убо и помилуй, Архиерею Истиннаго Бога, Благочестивейшую Благоверную Государыню нашу ВЕЛИКУЮ КНЯГИНЮ МАРИЮ ВЛАДИМИРОВНУ: наследника ея, Благовернаго Государя Цесаревича и ВЕЛИКАГО КНЯЗЯ ГЕОРГИЯ МИХАЙЛОВИЧА: супругу его Благоверную КНЯГИНЮ ВИКТОРИЮ РОМАНОВНУ: сына их Благовернаго КНЯЗЯ АЛЕКСАНДРА ГЕОРГИЕВИЧА , дщерь их Благоверную КНЯЖНУ КИРУ ГЕОРГИЕВНУ, и весь Царственный Дом. Даруй им утешение сердца, отраду и мир и радость присную о Господе. Во дни жития их сохрани в мире Державу Российскую, слуги царевы во истине утверди, воином мужество непоколебимое даруй, и вся люди безпечальны сохрани. Изжени всякую крамолу, и крамольных человек лукавая разруши советования, паче же тех самых в покаяние приведи. Пастырем и Архиереем подаждь премудрость, чистоту и праведное житие, якоже и сам сими украшался еси. Младенцем воспитание благое даждь, юныя научи, болящым и скорбящым здравие испроси. Сущым во трудех терпение и упование посли, богатым смиренномудрие и ко ближним милосердие даруй. Нам же всем радость о Господе присную подаждь, да вси благодарне тя ублажаем, глаголюще тако: Величаем тя, святителю отце Иоасафе, и чтем святую память твою, ты бо молиши за нас Христа Бога нашего.
***
Иоасаф Белгородский (1705-1754) – св. Епископ. Сын полковника А.Д. Горленко. Окончил Киевскую духовную академию. С 1737 игумен лубенского Мгарского Преображенского монасытря. В 1744 по устному повелению Императрицы Елисаветы Петровны стал архимандритом и наместником Свято-Троицкой Сергиевой лавры. В 1748 в Петропавловском соборе Санкт-Петербурга в присутствии Императрицы Елисаветы I и членов Императорской Фамилии хиротонисан во Епископа Белгородского. Прославился добротой и аскетизмом.
Канонизирован в царствование св. Императора Николая II Страстотерпца в 1911. Открытие нетленных и многоцелебных мощей Святителя состоялось в присутствии св. препмчц. Великой Княгини Елисаветы Феодоровны и Великого Князя Константина Константиновича. В 1920 мощи были осквернены богоборцами. До 1991 находились в Ленинграде в «Музее атеизма». Возвращены Церкви в феврале 1991 и в сентябре перенесены в Белгород.
В день памяти Святителя Иоасафа Белгородского в 1953 родилась ныне здравствующая Глава Российского Императорского Дома Е.И.В. Государыня Великая Княгиня Мария Владимировна. Дни памяти 4/17 сентября (обретение мощей в 1911) и 10/23 декабря (преставление в 1754)