Ինչուներից․․․

Ինչու են մեզ մոտ շատ ժամանակ երիտասարդներն ընդունվում ինչ-որ ֆակուլտետ, որն իրենցը չէ, իսկ այդպես էին ուզել ծնողները։ Օրինակ՝ Իռլանդիայում դպրոցական տարիների ընթացքում եթե չեմ սխալվում 1 տարի դադար է, որի ընթացքում աշակերտին բավականին շատ ունակություններ են սովորեցնում և վերջինս կարողանում է ընտրել, թե ինչ է ուզում։
Ինչու ենք մեզ մոտ հերոս փնտրում և ցանկացած մարդ, ով մի թեթև երևում է, հերոսացվում է, իսկ մի փոքր սայթաքելու դեպքում՝ թուք ու մուր։ Օրինակ՝ տաքսիստը։ Որովհետև պատասխանատվություն չենք վերցնում ամեն մեկս մեր չափով։
Ինչու մեզ մոտ Ֆեյսբուքում շատ share-ներ չեն լինում, օրինակ՝ համեմատական կարգով ԱՄՆ, Ռուսաստան, ՈՒկրաինա, Իսրայել, մարդիկ անխնա կիսվում են, իսկ մեզ մոտ ոչ։ Ահա պատասխանը՝ կարևորը ես իմանամ, մնացածը կարևոր չեն, ինչու իրենց էլ ասեմ։ ;)
Ինչու է մեզ մոտ նշվում, որ համալսարանում վատ սովորել նշանակում է կյանքում դուրս մնալ ամեն ինչից։ ՍՈՒՏ է, ամենակարևորն այս կյանքում կապերն են, բայց պիտի լավ սովորել։
Ինչու են մեզ մոտ մարդիկ բողոքում ամեն ինչից։ Որովհետև այն ինչ տեսել են, նա էլ սովորում են։
Ինչու են մեզ մոտ մարդկանց մեծ մասը միայն գործ փնտրում, այլ ոչ թե երբեմն ստեղծում, որովհետև նրանց ոչ մի տեղ չեն ասում, որ փորձիր նաև ստեղծել, եթե չկա ուրեմն բաց տեղ կա շուկայում։ Մտիր ինտերնետ, ամբողջ աշխարհն է դիմացդ բալես։
Ինչու են մարդիկ վազում հեշտին, որովհետև հեշտի դեպքում իրենք չեն տանջվում, ալարում են մի քիչ իրենց նեղություն տալ, պարապել, փորձել, քրտնել։ Ինչ է եղել որ, բողոքելը միշտ էլ կա:
Ինչու է մեզ մոտ գյուղացին աղքատ, որովհետև չի կրթվում, ոնց 20 տարի կար, այդպես էլ մնացել է, ինչու մեզ մոտ արտահանումը քիչ է, որովհետև այն մեծ ընկերությունները, որոնք պետք է արտահանում անեն, բիզնեսից հեռու մարդկանց ձեռքին է, ինչու է մեր երիտասարդությունն այս ու այն կողմ ընկնում, որպեսզի աշխատանք գտնի, որովհետև ինֆորմացիան շատ փակ է՝ ինչու՞ որովհետև անգլերեն չգիտեն, իսկ կարևոր ինֆոն անգլերեն է, գնացեք օտար լեզու սովորեք ;) Նեղանալ չկա, ավելի լավ է փոխվել ու գնալ առաջ։