Məni məhv etməyə bir sözün yetər,

Vurmağa gərək yox,oxla qəlbimi.
Qəlbim ətir saçan sevgi gülüdür,
Gecikmə solmamış,qoxla qəlbimi.
Öpüb qoy gözünə,bu bir ürəkdir,
Suçsuz,günahsızdır,sanki mələkdir,
Gəl dəymə xətrinə yaman kövrəkdir,
Körpə bir uşaq tək,saxla qəlbimi.
Nə var ki,dünyada ölümdən asan,
Varikən sənsizlik,ayrılıq,hicran,
Qoyma ki,darıxa sənsiz bircə an,
Hər gecə röyanda,yoxla qəlbimi