Бисмиллаахир рохманир рохиим...

Урматтуу биздин тайпанын мүчөлөрү, бүгүнкү күндөн баштап жаңы китепти сиздер менен чогуу окуп баштайбыз, ин шаа Аллах.))
1-күн
“БИСМИЛЛАХ”
АЯТ:
Мээримдүү, Ырайымдуу Аллахтын аты менен (Фатиха:1).
ХАДИС:
Ал (бисмиллах) – Аллахтын ысымдарынан бири болуп саналат. Анын Аллахтын эң улуу ысымдары менен жакындыгы көздүн агы менен карасы сыяктуу (Хаким, Ал-Мустадрак: 1/552).
ОКУЯ: Ар бир иштин башы – “БИСМИЛЛАХ”
Мындан бир топ жыл илгери Ислам динин бекем карманган Салиха аттуу бир такыба аял жашап өткөн экен. Анын жакшы бир адаты бар эле. Ал ар бир ишин ар дайым “Бисмиллах” – деп баштачу. Бирок анын жолдошу Исламга көп деле маани бербеген адам эле. Ал аялынын “Бисмиллах” – дегенин укканда эле: “Ар дайым эле “Бисмиллах” – деп айта бергендин эмне кереги бар?!” – деп өзүнчө кыжыры кайначу.
Бир күнү ал жубайына ар дайым “Бисмиллах”- деп айтуунун эч пайдасы жок экенин бир көргөзөйүн – деген максатта ага бир кисе (алтын-күмүш салынчу баштыкча) алтын берип, аны ишеничтүү жерге сактап коюусун эскертет. Жубайы кисени алаарда дагы “Бисмиллах”- деп төркү бөлмөнү көздөй жөнөйт. Күйөөсү артынан билгизбей ээрчип, тымызын аңдыйт. Жубайы төрдөгү сандыктын жанына келип, сандыктын оозун “Бисмиллах” – деп ачып, колундагы кисени салып коет.
Арадан бир-эки күн өткөңдөн кийин күйөөсү сандыкка жашыруун барып, андагы кисени алып, сыртты көздөй шашыла жөнөйт. Айылдын чет жакасында жайгашкан кудукка келип, кисени кудукка ыргытып жиберет. Үйүнө келип, жубайына: - Салиха, акча керек болуп жатат, кисени алып келчи- дейт. Жубайын кытмыр карап, эми кантээр экен деп ичинен кымыңдап отурат. Келинчеги төркү бөлмөгө кирип “Бисмиллах”- деп сандыкты ачат. Караса кисе сууланып калыптыр. “Кызык, бул кисе кайда жүрүп сууланып калган”-деп өзүнчө күбүрөнүп таң калат. Жолдошу төркү бөлмөдөн чыгып келаткан жубайынын колундагы кисени көрөөр замат мууну калчылдап, апкаара түшөт. Бир саамдан соң үнү дирилдеп:- Билесиңби, Салиха! Кисени кудукка мен өз колум менен ыргыткан болчумун. “Бисмиллах” сени уят кылган жок. Бисмиллахтын
кереметине эми ишендим! Кечир мени, күнөө менден кетти- деп көзүнөн жашы тегеренет.
УММАТИ МУХАММАД (ﷺ) тайпасы. ok.ru//ummatimuhammadkg