Күрәчәкне күрми, гүргә кереп булмый,

Эзәрлекләп йөри артыңнан.
Качып калалмыйсың, үзгәртә алмыйсың,
Маңгайларга язылып куелган.
Ул күзгә күренми, бер кемнәр дә белми,
Ни көткәнен гомер юлында.
Синең киләчәгең , ниләр күрәчәгең,
Барысы бер Раббым кулында.
Мәрхәмәтле булыйк, гөнаһлар кылмыйк,
Артыбыздан якты эз калсын.
Раббым каршысында, жавап биргән чагында,
Ожмах капкалары ачылсын.
Күрәчәкне күрми, гүргә кереп булмый,
Маңгайларга язылып куелган.
Кылган тәүбәләрең, изге гамәлләрең,
Ияреп барсыннар артыңнан.
МӘДИНӘ ИХСАН
#укы