Ике-икең биш булганны көтәм -

Төш булганын көтәм өнемнең.
Шәфәкъләрдән өмет нуры эзләп,
Көн булганын көтәм төнемнең.
Салкын карлар гөрләвекләр булып,
Агып китәр төсле шау килеп.
Кайгыларны безнең,
Әрнүләрне
Алып китәр төсле дау килеп.
Хыялларның чын булганын көтәм,
Таң булганын көтәм кичләрнең.
Ике икең биш булганны көтәм.
Ә дүрт кенә булса... нишләрмен?!
Илсөяр Иксанова
#укы