Д. З. Жалсараевай нэрэмжэтэ номой санай танхим соо буряад хэлэнэй hайндэртэ зорюулагдаhан тус хэмжээ ябуулганууд баhал эмхидхэгдэhэн байна. Октябриин 29-дэ Хори тосхоной ажаhуугшад «Эрхим диктант» бэшэжэ, бэеэ туршаха аргатай байгаа. Энэ урилдаанда хүн зон эдэбхитэйгээр ерэжэ, эрхимээр хабаадаа. Энэ жэлдэ 18 хүн мүрысөө. Хэдыдэхи жэлээ хабаадаһаншье зон олон байба, мүн баһа шэнэ хүнүүд нэмэжэ ерээ. Тиихэдээ эндэ элдэб һалбаринуудай мэргэжэлтэд мүрысэбэ. 148 үгэһөө бүридэһэн «Буряад драмын театр» гэhэн диктантын текст Хориин нэгэдэхи hургуулиин буряад хэлэнэй багша Любовь Юрьевна Гынденова уншажа, шалгажа үгөө. Хабаадагшад түрэл хэлэеэ һайн мэдэхэ байһанаа үшөө дахин гэршэлбэ. Диктантын дүнгүүдээр Марина Цыренжаповна Базарова — нэгэдэхи һуури эзэлээ, Санжима Цыренжаповна Бадмацыренова — хоёрдохи, Рыгзема Цыренжаповна Бабуева, Маргарита Жамьяновна Намсараева гурбадахи һууринуудта хүртөө. Хабаадаhан зондо баярай бэшэг, баталамжанууд барюулагдаа. Түрэл буряад хэлэеэ һэргээхэ, дэлгэрүүлхын оролдолгодо эдэбхитэйгээр хабаадаhан зондо үнэн зүрхэнhөө халуун баярые хүргэнэбди! Саяна Галдановна Доржиева, Д. З. Жалсараевай нэрэмжэтэ номой санай хүдэлмэрилэгшэ.