​ПРАВОСЛАВНЫЙ КАЛЕНДАРЬ​

​Седмица 3-я Великого поста. Глас 5-й. Постный день.
Монастырский устав:сухоядение (хлеб, овощи, фрукты).

Прп. Феофилакта исповедника, епископа Никомидийского (842–845).

Прпп. Лазаря (1391) и Афанасия (XV), игуменов Муромских, Олонецких;  
ап. от 70-ти Ерма (Ермы), епископа Филиппопольского ;  сщмч. Феодорита Антиохийского, пресвитера(361–363);  прмч. Дометия Персиянина, иеродиакона (363).

Сщмч. Иоанна Знаменского, пресвитера (1923);
мч. Владимира Ушкова (1942).

Иконы Божией Матери: Знамение Курская-Коренная.

Тропарь перед иконой «Знамение»

Яко необоримую стену и источник чудес стяжавше Тя раби Твои, Богородице пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.

Кондак Божией Матери пред иконой Ее Знамение, глас 4

Честнаго образа Твоего знамение празднующе людие Твои, Богородительнице, имже дивную победу на сопротивныя граду Твоему даровала еси. Темже Тебе верою взываем: радуйся, Дево, христиан похвало.

Величание Пресвятой Богородицы

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Молитва первая

О Царице Небесная! Кто изочтет великое множество чудес Твоих, кто исчислит вопли молитвенных прошений, токи умиленных слез, благодарных воздыханий, пролитых пред иконою Твоею. Овеяна убо вся она скорбию народною, плачем угнетенных и радостною хвалою утешенных. Припадаху к ней людие, понесшие агарянское иго, плакаху Москва в смутное время, взываше Курск в нашествие вражеское. Вопияше вся область во дни смертоносных болезней и бед, и вся скорби на радость прелагала еси. Темже и ныне благослови землю Русскую. Спаси от греха, погибели и соблазнов страну нашу. Излей благодать на труд земледельческий и на всякое благое начинание общественное. Помяни, Пресвятая Дево, по имени всех предстоящих и молящихся и вся люди, требующия Твоего утешения, помощи и милосердия. Ты убо веси тайная сердец наших. Темже всем по потребе их прошения исполни. Изряднее же заблудших обрати к покаянию, нас же всех умудри светом Евангельския любви и добрых дел. Архипастыри и пастыри и вся верныя в Православии до смерти тверды покажи, в Царство Небесное управи и со Христом жити сотвори во веки веков. Аминь.

глас 6

Таяся, пожил еси, прехвальне,/ но Христос тя показа,/ яко светило на свещнице мысленнем,/ и скрижали ти вручи учений духовных,/ имиже, святителю Феофилакте,/ и нас озари.

Кондак преподобного Феофилакта

глас 2

Светильник светел показался еси в концех,/ святителю Феофилакте,/ единосущна Отцу и Духу Слова ты проповедав,/ Божественных отец Собор уяснил еси,/ Троице угодник явился еси.// Ейже предстоя, моли непрестанно о всех нас.

Величание

Величаем тя, святителю отче Феофилакте, и чтим святую память твою, ты бо молиши за нас Христа Бога нашего