Дүйнө жүзү боюнча кыргыз балы мыкты деп табылды

Дүйнө жүзү боюнча кыргыз балы мыкты деп табылды. Бул тууралуу бүгүнкү маалымат жыйынында “Кыргыз балчылар биримдиги” коомдук уюмунун президенти Казим Каракетов билдирди. Кыргыз балчылары 29-сентябрдан 4-октябрга чейин 140 мамлекеттин катышуусу менен Киев шаарында өткөн 43-Апимондия эл аралык конгрессине катышып келишти. Конгресске биринчи жолу катышып жаткан балчылар иш-чаранын алкагында өткөн сынактарда 5 номинацияда утушка ээ болуп, мыкты сапаты үчүн “Дүйнөлүк балчылар сыйылыгы” аттуу баш байгеге татыктуу болушту. "Аталган сыйлыктар кыргыз балына болгон ишенимди көбөйтүп, чет өлкөгө экспорттого шарт түзөт",-деди Казим Каракетов.