КАНАТ ӨСҮП ЖАТКАН МЫШЫК

Кытайдын Сяньян шаарындагы бир үйбүлөнүн сүйүктүү мышыгына канат өсүүдө. Азыр канатынын узундугу 10 сантиметрге жакын. Мышыктын кожойкесинин айтканына кулак салсак, алгач канаттардын ордунда эки дөмпөк­чө пайда болуп, анан чоңоё баштаган. Эки айдан кийин дөмпөкчө­лөр канаттарга айланган. Кожойкенин пикиринде, канатчан мышыгы “мышык-периштеге” окшошот. Мындай шумдуктуу мышыкты текшерген эксперттер “канаттын чыгышы мышыктын гендик мутацияга чалдыгуусунан болгон” деген пикирлерин айтышкан. Ошондой эле алар “канаттын чыгышы мышыктын жашоосуна зыянын тийгизбейт” деп эсептешет.