ԴՈՒ ԵՎ ԵՍ

Մորմոքեցի միթե քեզ,
Ու կոպտեցի անխոհեմ,
Երբ վիճեցինք դու և ես:
Գիտես արդյոք, դու և ես,
Երբ լուռ էինք, վրդովված,
Որքան լացի ես անտես:
Մոլորված եմ ես հիմա,
Խոհերիս հետ դժխեմ,
Դեռ հիշում եմ ակամա
Այն երեկոն աղեկեզ,
Բաժանվեցինք դու և ես,
Ու տառապանք բերեց մեզ:
Սպասում եմ քո դարձին,
Զղջացել եմ ես արդեն,
Պիտի ներես դու անգին:
Արդյոք ներես պիտի դու
Այն տղային անխոհեմ,
Որ քեզ չատեց իր սրտում:
Արի նորից լինենք հեզ,
Մտերիմներ սիրակեզ
Ու երջանիկ՝ դու և ես....