Թե հազար կողմից ինձ քննադատեն,

Որ ճիշտ չեմ ապրում` սխալներս շատ են,
Կյանքն էլ անգամ ինձ ցավերով բեռնի,
Երազանքներս, բնա՛վ, չեն մեռնի…
Եթե ես նույնիսկ մենակ էլ մնամ
Ու էլ չիմանամ, թե ում մոտ գնամ,
Ոչ ոք այլևս ինձ ձեռք չբռնի,
Երազանքներս երբե՛ք չեն մեռնի…
Թեկուզ աշխարհն էլ իմ գլխին շուռ գա,
Թեկուզ իմանամ` հաստատ հույս չկա,
Սրտիս աշխատանքն անգամ կանգ առնի,
Երազանքներս, մե՛կ է, չեն մեռնի…
Մենակ խնդրում եմ` դու չհեռանաս,
Քեզ շատ եմ սիրում` դա չմոռանաս,
Երազանքներս քեզ հետ են կապված,
Կմեռնեն հաստատ, թե գնաս հանկարծ…