Ҳаëтимни ҳар

қачон харгиз
Ишларимни ўзинг ëқлагин
Парвардигор ўтинчим ëлғиз
Дўзахингдан омон сақлагин
Роббим дунë ибодатини
Ва охират саодатини
Бизга бергин билмай отини
Дўзахингдан омон сақлагин
Синовингни санамадик зил
Умримизни айладик хазил
Етмиш йилда тош етар манзил
Дўзахингдан омон сақлагин
Сенинг қадрингга гоҳ етмаймиз
Гоҳ нафсни абгор этмаймиз
Чидаймиз деб катта кетмаймиз
Дўзахингдан омон сақлагин
Дилимизда асло йўқдир ғам
Сени ëлғиз илоҳ деган дам
Парвардигор ëмон бўлсак ҳам
Дўзахингдан омон сақлагин
Захарданда заққум ютуми
Титратади дилни тутуни
Тош ўрнига одам ўтини
Дўзахингдан омон сақлагин
Жахийм узра аламлар лиқ-лиқ
Кирмасидан йиғлар халойиқ
Бўлмасакда жаннатга лойиқ
Дўзахингдан омон сақлагин
Ҳаëлда ҳам азоблар берар
Дахшатлари тушимга кирар
Кўз ўнгимда болам чинқирар
Дўзахингдан омон сақлагин
Тайëрмасмиз соатига ҳам
Давом этар одатига ҳам
Абу Толиб ҳолатига ҳам
Дўзахингдан омон сақлагин
Вужудларга бўлмагай шавқат
Қип-қизарган водийлар дахшат
Азоб чекар одийлар дахшат
Дўзахингдан омон сақлагин
Гунохларда бардавом бўлдик
Амалларда чап томон бўлдик
Пешво бўлдик ва тамом бўлдик
Дўзахингдан омон сақлагин
Осийликда бўлдик пешқадам
Солиҳликка юрмас хеч қадам
Босаяпмиз гарчи кеч қадам
Дўзахингдан омон сақлагин
Билмасдирман мавхум эртангни
Кечир Роббим қалби сатангни
Ўзинг кечир ëмон бандангни
Дўзахингдан омон сақлагин
Сўнги сўзим айтиб ўламан
Гуноҳим кўп роббим биламан
Фақат сенга умид қиламан
Дўзахингдан омон сақлагин