#ансорий

​​Тушларимга киринг ё РАСУЛУЛЛОХ соллаллоҳу алайҳи васаллам
Юракда бир армон қийнайди ҳамон,
Ишонинг мен сизни соғиндим ёмон.
Кўзларим муштоқдир Мадина тамон.
Мен сизни соғиндим ё Ҳабибуллоҳ,
Тушларимга киринг ё Расулуллоҳ!!!
Доимо эслайман ўтирсам, турсам,
Сиз кўрган ул диёр Маккага борсам.
Ҳеч йўқса бир бора қанийди кўрсам,
Ажалим келмасдан етказсин Аллоҳ!
Тушларимга киринг ё Расулуллоҳ!!!
Бир бора кўрсайдим қолмасди армон,
Сийратингиз менга бўлғайдир дармон.
Бир марта бўлса ҳам кўришга зорман,
Мен сизни соғиндим ё Ҳабибуллоҳ,
Тушларимга киринг ё Расулуллоҳ!!!
Умматим, уматим дея кетдингиз,
Кўрмаган умматни севиб ўттингиз.
Бирга бўлгим келар дея айтдингиз,
Мен ўша сиз айтган умматман эй воҳ,
Тушларимга киринг ё Расулуллоҳ!!!
Кавсарнинг бўйида турарсиз кутиб,
Мен эса юрибман кўз ёшим ютиб.
ИншаАллоҳ боргум бир куни етиб,
Менга ҳам сув беринг ё Ҳабибуллоҳ,
Тушларимга киринг ё Расулуллоҳ!!!
Мен сизни кўрмаган умматингизман,
Шафоат истаган умматингизман.
Сиз учун йиғлаган умматингизман,
Кўзимнинг ёшига Аллоҳим гувоҳ Тушларимга киринг ё РАСУЛУЛЛОХ соллаллоҳу алайҳи васаллам!!!
#UmmatiMuhammadiya