▪ Ёсць рызыка, што афганскія ўцекачы з’явяцца на мяжы Беларусі з Латвіяй, Літвой, Польшчай, гэтаксама як ірацкія мігранты. Мігранцкі крызіс вакол Беларусі можа абвастрыцца.
▪ Даволі папулярная думка, што на тле падзей у Афганістане Захад забудзе пра беларускі крызіс. Гэта магчыма. Але, па-першае, Лукашэнка не дасць гэтага зрабіць; па-другое, бюракратычная машына ў справе ўвядзення санкцый запушчаная, і наўрад ці на яе паўплываюць падзеі ў Афганістане.
▪ Прыход да ўлады талібаў не выгадны ні Расіі, ні ЗША, ні ЕЗ, ні Кітаю. Можа з’явіцца глеба для супрацоўніцтва Расіі і Захаду перад абліччам новай пагрозы распаўсюду радыкальнага ісламскага тэрарызму (як у 2000-х гадах). Гэта значыць, што ступень канфрантацыі паміж РФ і ЗША/ЕЗ можа панізіцца.
Рэжым Лукашэнкі дзеля ўласнага выжывання робіць стаўку на гэтую канфрантацыю. Яму ўдалося ўпісаць захаванне сваёй улады ў канфлікт Расіі і Захаду, зрабіцца важным для РФ гульцом у гэтым супрацьстаянні. Цяпер, калі Масква і Захад будуць вымушаныя шукаць паразумення дзеля нейтралізацыі талібаў, рэжым Лукашэнкі можа стаць перашкодай. Такое развіццё падзей можа паскорыць перамены ў Беларусі.
⏹ Фота: баевікі тэрарыстычнага руху "Талібан" у прэзідэнцкім палацы 15 жніўня 2021 года / Zabi Karimi, AP
Крыніца: Радыё Свабода
Присоединяйтесь к ОК, чтобы подписаться на группу и комментировать публикации.
Нет комментариев