Предыдущая публикация
Chevrolet Шанхай автосалонига адаптив кроссовер билан ташриф буюрди
Шанхай автосалонида ишлаб чиқарувчи томонидан кўп функцияли концептуал спорт автомобили сифатида таърифланган Chevrolet FNR-X прототипи намойиш этилди. Бу ҳақда Motor нашри хабар бермоқда.
Прототип номидаги дастлабки уч ҳарф Find New Road — «янги йўлларни қидир» дея изоҳланади; марка охирги йилларда айнан шу слогандан реклама мақсадларида фойдаланиб келмоқда. X белгиси машинанинг барча йўлларга мослигин кўрсатади. Бунда машинанинг ҳар бир тизими конкрет ҳаракат шартларига мослаша олади.
Кроссовернинг ўзига хосликларидан бири унинг фаол аэродинамикасидир. Унинг қатор қисмлари электроника томонидан бошқарилади. Ҳаракат режимларининг ҳар бирида тизим энг кичик аэродинамик қаршиликка эришади, бу билан ёқилғи сарфини яхшилайди.
Прототип қувватлантирилувчи гибрид куч қурилмаси билан таъминланган, лекин Chevrolet унинг тавсифини келтирмаяпти. У икки режимда ишлаши маълум: оддий (Versatility, адаптив) ва спорт режимлари.
Бундан ташқари, прототип йўллардан ташқарида ҳам ишлайдиган, мураккаб йўл шароитларида ҳам йўналиш танлайдиган автопилотга, шунингдек, қўшимча реаллик тасвирини 270 даража қамров билан кўрсата оладиган проекцион дисплейга эга.
Следующая публикация
Нет комментариев