☨ Многие очарованы (иногда тайным от себя) унынием. Они так сильно им очарованы, что стоит им только услышать, что где-то в ком-то (хоть бы в авторе этих строк) реально протекает ревностное покаянное, молитвенное, живое общение с Богом, как они сразу же начинают искать в словах подозреваемых ими в лукавстве несоответствие учению святых отцов, и, разумеется, они (с радостью) находят недостатки которые находят лишь потому что ХОТЯТ это найти — и после этого, даже самая малая, возможность продуктивного общения закрывается и я чувствую как горделивые наслаждаются сами собой, осуждая кого-либо в своих мыслях, чувствую их наслаждение гордыми толкованиями истин веры, вижу, что они СОВСЕМ не видят того, что движет ими — дух коварный и нечистый.
Так в чём же заключается чистота?
Какой я предлагаю выход?
Он очень прост.
Я ищу покаяния в моих собственных грехах, которых у меня великое множество и которые я совершаю ежедневно, а другим советую, тем, кого, возможно, коснется Благодать Божия, поиск покаяния в личных своих грехах.
(чтец Сергий Михайлов)
АКАФИСТ НА СОШЕСТВИЕ СВЯТОГО ДУХА
ПОНЕДЕЛЬНИК. ДЕНЬ СВЯТОГО ДУХА
Кондак 1
Возбранный Параклите, Царю неба и земли, Животворящий, Спасительный и Всесвятый Душе, выну от Отца исходяяй и в Сыне почиваяй, сошествием же в виде огненных языков Апостолы просветивый, снизойди и ныне с горних высот на ны недостойныя рабы Твоя, и породи нас к новой благодатной жизни, да воспоем Тебе:
Прииди, Утешитель Благий, вселися в ны, и спаси души наша.
Икос 1
Ангелов Творец и Господь Сил с небесе сошед и плотское восприем естество наше, прииде на землю, да спасет Крестом и Воскресением Своим падший древле род человечь, и паки восшед на небо, седе одесную Бога и Отца, да совознесет и обожит естество наше, и да созиждет на земли Царство правды и мира о Дусе Святе, егоже никтоже может видети, аще кто не родится свыше Темже Духом. Сего ради Господь наш, ко Отцу отходя, не остави нас сирых, но обетова грешником своим, глаголюще: Аз умолю Отца и инаго Утешителя даст вам, да будет с вами во век, Дух Истины, Егоже мир не может прияти, ниже знает Его, иже от Отца исходит, Той свидетельствует о Мне. Утешитель, Дух Святый, Той вы научит всему и воспомянет, яже рек вам. Сему обетованию внемлюще, апостоли моляху Тебе, Святый Утешителю, да скоро снидеши, вопиюще Тебе сице:
Прииди, Утешителю Благий, выну от Отца исходяяй.
Прииди, Небесной Параклите, присно в Сыне почиваяй.
Прииди, Подателю жизни, приклони небеса и сниди.
Прииди, Небесный Царю, прикоснися горам и воздымятся.
Прииди, Всесвятый Душе, и настави нас светом истины Твоея.
Прииди, кристаловидный Животе, и просвети мир огнем благодати Твоея.
Прииди, Утешителю Благий, вселися в ны, и спаси души наша.
Кондак 2
Видев Господь по Воскресении Своем ученики Своя еще плотская мудрствующих и земное царство чающих, явися, им дверем затворенным, дуну и преподаде им Духа Святаго благодать просвещающую помышления их и уготовляющую их к приятию существенному таинства Божественнаго, глаголюще: Приимите Дух Свят, Имже отпустите грехи, отпустятся им, и имже держите, держатся. Темже, приемше таковую власть духовную, укрепишася духом, вопиюще Богу: Аллилуиа.
Икос 2
Разум Божественный о грядущем Царствии Божии открывая, Господь наш собра ученики Своя вся вкупе на горе Елеонстей, и повеле им по Вознесении Его на небо от Иерусалима не отлучатися, но ждати обетования Отча, дондеже облекутся силою свыше, яко не по мнозех днех имут креститися Духом Святым. И тако заповедав, рече им: нашедшу Святому Духу на вы, приимите силу и будете Ми свидетели во Иерусалиме и во всей Иудеи и Самарии и даже до последних земли. И сия рек, вознесеся на небо. Ученицы же, возвратившеся во Иерусалим, взыдоша в горницу и бяху вси терпяще единодушно в молитве и молении и пощении с женамии Мариею Материю Иисусовою и с братиею Его, чающе сошествие Утешителя и поюще Ему сице:
Прииди, Душе Господствуяй и Животворяяй, Отцу Собезначальный и Соприсносущный.
Прииди, Душе Истинный и Всеблагий, с Сыном Купносущный и Равночестный.
Прииди, Душе Владычный, от Отеческаго состава и от Божественных и Безначальных уст Его несказанно Исходяяй.
Прииди, Душе Христов, Соипостасное Дыхание и Премудрости Сило, в Сыне нераздельно пребываяй.
Прииди, Непостижимый Просветителю, откровение тайны Пресвятыя Троицы людем даровати восхотевый.
Прииди, Премудрый Всепосетителю, весь мир благодатными дарованиями исполнити возжелавый.
Прииди, Утешителю Благий, вселися в ны, и спаси души наша.
Кондак 3
Силою Божественною облечен Святый Петр, востав посреди ученик, рече к ним: Мужие братие, преклоньше колена, сердца же горе возведше, помолимся ко Господу нашему, обетовавшему Утешителя инаго, да созиждет чисты сердца наша и да обновит дух прав во утробах наших и да сотворит горницу сию Церковь Божию и скоро да ниспошлет нам Духа Всеблагаго Своего, Емуже вси да воспоим едиными усты и единым сердцем: Алиллуиа.
Икос 3
Имуще страх велий, Апостоли в смущении быша, како немощным им сущим, якоже агнцам без Пастыря, проповедати Евангелие всей твари, сего ради, егда скончавахуся дние Пятьдесятницы, быша вси вкупе на молитве и вознесоша тепле моление ко Пастырю Своему, глаголюще: Царю Ангелов, управляяй всеми на земли и на мори! Раби Твои вопиют к Тебе: скоро посли нам Всесвятаго Духа Твоего. Господь же их плотию на небесех Отцу соседяй, услышав моление сие рече: Самовластный Утешителю, снизойди, чают бо Тя ученицы Мои, ихже собрах к Тебе и ко Отцу, тепле бо вопиют к Тебе, глаголюще:
Прииди, Душе Благий и настави нас на землю праву.
Прииди, Свете Святый, и направи стопы наши на стезю мирну.
Прииди, Владыко Непостижиме, всем хотящим спастися несумненное упование.
Прииди, Неизследимый Царю, всем жаждущим правды благодатное насыщение.
Прииди, Душе Живый и Животворяй, Твоею бо благодатию живем и движемся и есмы.
Прииди, Свете Святый и Светоносяй, Твоею бо чистотою возвышаемся, светлеемся и хранимы.
Прииди, Утешителю Благий, вселися в ны, и спаси души наша.
Кондак 4
Бурное дыхание велие внезапу пронесеся, учеником в Сионе собранным и в горнице об часе третьем дне молящимся, и бысть шум, яко гром с небесе, тишине велией окрест сущей, и исполни весь дом, идеже бяху седяще. И колебашеся храмина, яко лодия, и убояшеся апостоли мняще, яко от дыхания бурна падется горница, и вси в страсе возопиша: О, Владыко, утиши колебание и посли Всесвятаго Духа Твоего, Емуже согласно да воспоем: Аллилуиа.
Икос 4
Слышаще шум с небесе и колебание воздушное видяще, боголюбивии Апостоли и вси сущии с ними исполнишася ужаса, зане в дыхании бурне сошествие Утешителево уразумеша и в шуме небеснем глас Господень ощутиша, в себе помысливше: се глас Господень возгреме в крепости. Се глас Господа Источающаго пламень огня, якоже Давид предрече. Се буря от Господа, якоже Иеремия возвести. В сие время Господь наш восхоте послати Утешителя инаго и даровати Закон нов, якоже древле на Синаи. Тамо от гласа Его колебашеся гора, здесь же от дыхания Утешителева потрясеся горница, тамо быша громи и молния, здесь же пронесеся шум с небесе. Обаче приступихом не к горе осязаемой и огнем пылающей, но к Сионстей горе, к Иерусалиму Небесному, к Ходатаю Завета Новаго, да приимем Царство Непоколебимо, и да восприимем благодать Духа, ею же послужим благоугодно, вопиюще Ему сице:
Прииди, Душе Страха Божия, не во огне и буре, но во гласе хлада тонка, да нас от духа боязни рабския свободиши.
Прииди, Душе Сыноположения, апостолы во едино стадо совокупивый, да и нас чада Божия сотвориши.
Прииди, Душе Премудрости и Откровения, да воспомянеши нам вся словеса Христовы в познание Его.
Прииди, Душе ведения и благочестия, да просветиши очи сердечныя светом заповедей Его.
Прииди, Душе Божия Святыни, да облечеши нас силою свыше от Своих небесных высот.
Прииди, Душе всякия благостыни, да окропиши нас росою благодати по множеству Своих щедрот.
Прииди, Утешителю Благий, вселися в ны, и спаси души наша.
Кондак 5
Богоноснии Апостоли еще паче исполнишася страха, егда по гласе шума се бысть им видение новое паче перваго и явишася огненнии языцы, разделяющияся сюду и сюду, и седоша по единому на коемждо от них над главами их, да исполнится Давида праотца предречение: Бог яве приидет и не умолчит, огнь пред Ним возгорится и окрест Его буря зельна. Сим духоносным огнем Утешителя просвещаемии, апостоли со страхом и с радостию возопиша, сретающе пришествие Его: Аллилуиа.
Икос 5
Видевше сошествие Утешителя в виде огненных язык, Апостоли удивишася, како дыхание бурно с пламенем совокупися, и како с ветры видены быша светильницы, с росою же искры. Наипаче же объяша их страх Божественный, егда огненнии языцы, седше над главами их, не опалиша власы, но паче просвещаху мысли их, и тако огнедохновенным озарением Святаго Духа просвещаеми, уразумеша проречение Давидово: Огнь от Лица Его воспламенится: углие возгореся от него. И приклони небеса и сниде. И прославиша Бога, яко прииде обетованный Утешитель, да огненное крещение восприявше от Него, благодарственно возопиют ему сице:
Прииди, Огненосный Душе, да огненным крещением весь мир просветиши.
Прииди, огнь подаяй, Боже, да терние наших прегрешений попалиши.
Прииди, огнь Божественный на землю низводяй, Господи, да угасшия светильницы душ наших паки возжеши.
Прииди, огненныя реки апостолом орошаяй, Владыко, да теми весь мир огнем благодати Твоея обновиши.
Прииди, во огненных языцех всему миру на молитве возглаголавый Душе, воздыхании неизглаголанными научи нас о чесом молитися Небесному Отцу.
Прииди, во огне и буре Божество Пресвятыя Троицы Открывый, Царю, огнедохновенным дыханием воспламени огнь Божественныя любве и в наши хладныя сердца.
Прииди, Утешителю Благий, вселися в ны, и спаси души наша.
Кондак 6
Проповедник дивный, божественный Петр, видев, яко огненное видение исполни страха ученики, возопи: не бойтеся, огнь сей нежегомый есть, якоже древле неопалимая купина, или якоже пламень Вавилонския пещи, иже не опали три отроки. Сего ради кийждо от нас да отринет страх из души, и да не убоится неопальнаго пламени, огнь бо сей да разумеем, якоже рози, яко цвети на главах наших, имиже увенча, украси и озари нас Всесвятый Дух, Емуже вси с радостию да воспоим: Аллилуиа.
Икос 6
Возсия велие просвещение благодати Божией всей Церкви Христовой в великий сей Пятидесятный день, егда во огненных языцех Ты Сам существенно снисшел еси на апостолы и на вся верующия, Святый Животворящий и Всесильный Душе, Един Сый от Пресвятыя Троицы, и богатно излил еси не некия Отчии дары, якоже прежде, но от всея полноты Божества излил еси от Духа Твоего на всяку плоть, не в меру бо подаст Бог Духа, и потекоша реки воды живыя благодати Твоея от Иерусалима во всю вселенную, и тако завершишася телесныя дела Христовы и прияша начало дела Твоя, Душе, да созиждется Царствие Твое в человецех и да преобразится Тобою мертвенная плотская жизнь наша на живую и духовную. Сего ради вси водимии Тобою да воспоем Тебе сице:
Прииди, Утешительный Душе, с небесных высот сошедый, да безкнижныя ученики Христовы неботаинники сотвориши.
Прииди, Небесный Царю, везде сый и вся исполняяй, да во Христа верующия духовныя жизни сопричтеши.
Прииди, неумаляемое Сокровище благодати, да приобщиши нас даров Твоих, и райскою радостию возвеселимся.
Прииди, Неувядаемый Цвете чистоты, да окропиши нас иссопом Твоим и паче снега убелимся.
Прииди, Зиждителю всея Твари, да царствуеши и господствуеши над всеми силами души моея.
Прииди, Владыко Неба и Земли, да властвуеши и управляеши над всеми движениями сердца моего.
Прииди, Утешителю Благий, вселися в ны, и спаси души наша.
Кондак 7
Хотя спасти вся языки, Господи, даровал еси учеником Твоим во огненных языцех Духа Твоего, да по обетованию Твоему возглаголют новыми языки, и вси исполнишася Духа Свята и начаша глаголати иными языки, якоже Дух даяше им провещевати, да вси народи от всех язык на праздник пришедшия, услышат их проповедующия своими их языки. В Вавилоне иногда размесишася языцы дерзости ради столпотворения, да разделятся языки, ныне же боговедения ради умудришася языцы, в соединение бо всех призва Вышний, да согласно славят всесвятаго Духа, поюще Ему едиными усты и единем сердцем: Аллилуиа.
Икос 7
Новое чудо Твое, Утешителю, бысть во знамение всем, и исполни ужаса языков собрания на праздник пришедших: видяху бо учеников Спасовых огненными языки глаголющих и кийждо от них свою беседу слышаше. И дивляхуся вси, друг другу глаголюще: не вси ли сии глаголющии галилеяне суть, и како мы слышим кийждо свой язык, в немже родихомся? Како сотворишася соотечественницы всем языком? Видел ли есть Петр Египет? Живяше ли когда Андрей в Месопотамии? Видеша ли когда Памфилию сыны Заведеовы? Како явишася сии Римляном, яко не варвари, Парфяном, яко им подобнии, Мидяном же, яко свои. Обаче елицы благоговейнии быша, тии прославиша Бога, вопиюще Утешителю сице:
Прииди, во пророцех глаголавый Божественный Душе, возглаголи мирная и благая в сердцах наших.
Прииди, во Апостолех проповедавый огненными языки Безсмертный Царю, возсияй молниями Божества в душах наших.
Прииди, Животе Безначальный, разделенныя языки в соединение призвавый, и в нас дух вражия разделения всеконечно потреби.
Прииди, Любы Безконечная, Апостолы на вечери союзом любве связавый, и в нас дух братския любве навеки насади.
Прииди, с небесе снисшедый Утешителю наш, да на стези небесныя наставиши нас, Тебе поющих.
Прииди, от земных горе возвышаяй Боже наш да от сладости мирских красот избавиши нас Тебе вопиющих.
Прииди, Утешителю Благий, вселися в ны, и спаси души наша.
Кондак 8
Странными глаголы вещающе, возглаголаша святии Апостоли странныя учения и странныя веления Святыя Троицы, от Духа Святаго просвещаеми. Высокоглаголивыми же проповедующе языки, не человеком глаголаху первее, но Богу, тайны вещающе духом, якоже божественный Павел глаголет, быша бо в восторзе духовном, неизглаголанными воздыхании Святаго Духа наставляеми. Неверующим же от язык сие Духа действо пьянство непщевашеся быти. Обаче мнози благоговейни бывше, ужасахуся, и недоумевающеся, друг друга вопрошаху: что убо хощет сие быти? И с верою прославиша Бога, поюще Ему: Аллилуиа.
Икос 8
Весь исполнен быв огненосныя благодати Духа Божия, святый Петр, востав с единонадесятьми, воздвиже глас свой и нача проповедовати собранным от язык величия Божия и страшное Твое, Святый Утешителю, во огненных языцех схождение, еже пророк Иоиль древле предрече, глаголя о сем великом и просвещенном дне Господнем: «Изолью от Духа Моего на всяку плоть, на рабы Моя и на рабыни Моя, и прорекут сынове ваши и дщери ваши и юноши ваши видения узрят». Сим Святым Духом исполненнии бывше, Апостоли не вином упишася, но упоением Духа, новаго винограда рождения Божественнаго веселия приобщившеся, вопиюще и глаголюще сице:
Прииди, Божественный Утешителю, во Иордане на Спаса нашего в виде голубине снисшедый, даруй нам криле голубине кротости и чистоты, да полетим и почием.
Прииди, Сладчайший Душепосетителю, в Сионе ко апостолом во огненных языцех пришедый, ороси нас огнем благодати Твоея, да верою и любовию воспламенеем.
Прииди, Святый Живоначальный Душе, древле в человецех плоть сущих пребывати не восхотевый, свободи нас законом духа от закона плоти, да паки живеши в нас.
Прииди, Великий Непостижимый Боже, в последок дний сих от Духа Твоего на всяку плоть изливый, сподоби нам не по плоти жити, но по духу, да всегда пребудеши в нас.
Прииди, Душе всякия чистоты, помози нам, да плоть не похотствует на дух наш, и да Тобою водими будем.
Прииди, Присный наш Животе, спобори нам, да не сеем в плоть и тление, но в дух, да от Духа Твоего жизнь вечную пожнем.
Прииди, Утешителю Благий, вселися в ны, и спаси души наша.
Кондак 9
Всякое естество человеческое возвеселися днесь о сошествии Твоем, Утешителю Благий, зане в ветхую Пятидесятницу при Синае бывшую, вси людие издалече стояху в страхе и в ужасе, всей горе дымящейся и во огне бывшей, един бо точию Моисей взыде на верх ея во мрак, идеже бяше Бог. Ныне же, вси слышавшии Петра умилишася сердцем, увероваша и крестишася, и приложися в день той душ, яко три тысящи, и тако в сей великий день Пятидесятницы положися начало Церкви Христовой на земли и вси исполнишася Духа Святаго и духом взыдоша на гору Господню благодати Божия, вси очами веры Господа узреша и с радостию возопиша Ему: Аллилуиа.
Икос 9
Витии Божественныя святии Апостоли, прежде безкнижнии рыбарие, ныне же мудрии богословцы явишася, прежде починяху мрежи своя, ныне же облеченнии силою свыше от Духа Святаго, начаша проповедь Слова Божия, прежде точию рыб уловляху, ныне же сотворишася ловцы человеков и люди безчисленнии из глубокия тьмы начаху изымати. Прежде боящиися, ныне же дерзновение приявшии и радости исполненнии от Тебе, Святый Утешителю, тии уразумеша, яко нова тварь ныне суть и каковый велий дар получиша по обетованию Господню, сего ради ныне отбеже от них страх и дух немощи и тии ощутиша, яко уже имут силу по повелению Господню пройти даже до конец вселенныя, учаще вся языки и крестяще их во имя Отца и Сына и Святаго Духа. Сего ради в веселии духа возопиша сице:
Прииди, Свете Живоначальный, да вся языки светом боговедения просветиши.
Прииди, Животе Безначальный, да вся человеки к новой жизни во Христе приобщиши.
Прииди, Теплото Живительная, да духом любве Твоея хладныя сердца неверных языков воспламениши.
Прииди, Сладосте Неизреченная, да благодатию Твоею всех вкусивших ю паче меда и сота усладиши.
Прииди, Радование наше непрестанное, да нас скорбных и печальных очищением совести возвеселиши.
Прииди, Сокровище наше превожделенное, да нас нищих и убогих множеством дарований духовных обогатиши.
Прииди, Утешителю Благий, вселися в ны, и спаси души наша.
Кондак 10
Спасения день — сей великий Пятидесятницы праздник, в оньже, Утешителю Благий, Церковь Христову до скончания века облагодатил еси и всю тварь Твоим Живоносным дыханием обновил еси, Везде сый и вся исполняяй, Ты идеже хощеши дышиши, вся живиши и повсюду в мире разливаеши свою живоначальную силу: Тебе поет солнце, Тебе славит луна, Тебе служит свет, Тебе работают источницы, Тобою един дождь напояет землю и бывает бел в кринех, и красен в розах, багрян же в фиалках, тако многообразна благодать Твоя: единому убо даеши слово премудрости, другому — дар пророчества, иному — сказание Божественных Писаний: единаго укрепляеши на целомудрие, другаго учиши поститися и подвизатися, оваго же уготовляеши на мученичество. Вся же сия действуеши Ты, единый Душе, разделяя коемуждо хощеши, да всякое дыхание поет Тебе: Аллилуиа.
Икос 10
Царю Небесный и жизни Подателю! Царство Твое — Царство всех веков и Владычество Твое во всяком роде и роде. Сошед же на апостолы. Ты явил еси ими Царство не от мира сего — Церковь Христову, юже исполнил еси безчисленными дары благодати Твоея, имиже, яко финикс процвете и яко кедр, иже в Ливане умножися. И тако Твоею благодатию напояема, Церковь процвете многочисленными сонмы девственник, учителей, мучеников, исповедников, преподобных, пустынников, да исполнится Осии пророка предречение: процветет, яко цвет и прострет корение, яко дубрава и яко маслина плодовита будет. Зряще убо сии сонмы духоносных отцев, Тобою, Святый Душе, возращенных, воззовем Тебе таковая:
Прииди, Источниче Божественных сокровищ, вдохни нам светоносныя Твоя дарования.
Прииди, Подателю и Совершителю нашего освящения, освяти ум, сердце и вся наша помышления.
Прииди, благости и милосердия Неизнуряемое Хранилище, сохрани в нас жизнь духовную под кровом Твоея благости.
Прииди, настоящих и грядущих благ Нескончаемое Сокровище, соблюди нас в чистоте совести в предначатие вечныя радости.
Прииди, падших Всенадежное Востание, Тобою бо источаются благодатныя струи напояющия всяку тварь ко оживлению.
Прииди, мертвых духом и телом Благое Воздвижение, Тобою бо подаются вся силы к животу и благочестию, воздвизающия всяку плоть к Воскрешению.
Прииди, Утешителю Благий, вселися в ны, и спаси души наша.
Кондак 11
Пение духовное воспоем Тебе, Святый Утешителю, Твое во огненных языцех на Апостолы Сошествие празднующе и сим Павловым глаголом последующе: «помолюся духом, помолюся и умом, воспою духом, воспою и умом». И тако духом на молитве и в служении пламенеюще, да не угасим плотоугодием Духа Твоего, во святом крещении восприятаго, но присно да взираем на уверовавших в день Сошествия Твоего: тии бо внимающе слову Петрову: «спасайтеся от рода сего развращеннаго», выну бяху в учении апостол, в общении и преломлении Хлеба Жизни и в молитвах, и бысть на всякой душе страх Божий, и бяху вси вкупе единодушно, имуще вся обща, и с радостию в простоте сердца воспеваху Богу: Аллилуиа.
Икос 11
Света солнечнаго светлее явися благодать Твоя, Светоносный Душе, вся бо просветляеши, очищаеши и освещаеши Твоим огненосным осиянием. Ты бо сошел на Пресвятую Деву Марию, соделал еси Ю Пресветлый храм девства и Пречистый дом Божества Сыну Божию. В явлении же Твоем во Иордане при Крещении Господнем в виде голубине Ты отверзл еси небеса грехопадением Адамовым заключенная и обожил еси Пречистую плоть Христову. В Сошествии же Твоем на Апостолы исполнил еси Божественнаго присутствия Своего всю Церковь, Невесту Христову, да будет непорочна и свята. Сего ради точиши в Ней пророчествия, и священники совершаеши, собираеши весь собор церковный, и сходиши, яко огнь с небесе в Божественную Литургию и во всех таинствах, и тако вся Церковь одевается светом благодати Твоея, яко ризою, да во Свете Твоем узрим Свет, и да воспоем Тебе сице:
Прииди, чистотою Сияющий Душе, Святую Деву Чисту в рождестве сохранивый, да и нам благодать девства и чистоты преподаси.
Прииди, небеса разверзший Небесный Царю, на Спаса Христа при Крещении низшедый, да и всем верующим в Него путь на небо отверзеши.
Прииди, Солнце Незаходимое и Несокрываемое, да свет возсияши праведным и правым сердцем веселие.
Прииди, Сияние Присносияющее и Немерцающее, да внутрь нас возсияеши Церковь Божия Духа в Твое Божественное посещение.
Прииди, Свете Святый и Животворяй, просвети мир Твоим Божественным осиянием.
Прииди, огню от огня Происходяй и Боготворяй, озари нас Твоим огненосным вдохновением.
Прииди, Утешителю Благий, вселися в ны и спаси души наша.
Кондак 12
Благодать духоносную даровал еси, Утешителю Святый, всей Церкви Христовой в великий день Святыя Пятидесятницы, якоже и прежде выну спребывал еси Владыке Христу во днех Его плоти, яко же великий в богословех святый Григорий витийствует: «Рождается Христос и Дух предворяет. Крещается Христос и Дух свидетельствует. Искушается Христос и Дух возводит (в пустыню). Совершает силы Христос и Дух сопутствует. Возносится Христос и Дух преемствует». Сего ради и начатки Божества подаеши ныне, Святый Душе, естеству перстному, да паки возведеши е к первому райскому благородию и да обожиши е во образ Вознесеннаго на небеса естества Христова. Мы же исчести не могуще многочисленная паче песка морскаго благодеяния дарований Твоих, вопием Тебе: Аллилуиа.
Икос 12
Поюще, Божественный Душе, Твою Живоначальную благодать, обновляющую лице земли дохновением Твоим, поклоняемся Твоему во огненных языцех на Апостолы сошествию, и веруем, яко по обетованию Христову выну Твоя благодать во Святей Церкви пребудет, дондеже паки приидеши в последний день во общее Воскресение во еже воздвигнути вся от века умершия, яко же святый Иезекииль предрече глаголя: «от четырех ветров прииде, Душе, и вдуни в мертвыя кости сия и да оживут. И вниде в них Дух Жизни и ожиша и сташа на ногах своих собор мног зело». Тогда не посрами нас вопиющих Тебе сице:
Прииди, Утешение и Радосте моя, услыши мя в день скорби и печали моея.
Прииди, Дыхание и Жизнь моя, буди ми един дух со мною до самыя смерти моея.
Прииди, Блестящееся одеяние души моея, покрый внутреннюю наготу и безобразие грехопадения моего.
Прииди, Теплейшее очищение совести моея, отмый скверну души и тела моего чистыми слезами пришествия Твоего.
Прииди, Пище Неизреченная и Нетленная, напитай алчущий дух мой в жизнь вечную безсмертия плодами.
Прииди, Питие Божественное и превожделенное, напой жаждущую душу мою благочестия водами.
Прииди, Утешителю Благий, вселися в ны и спаси души наша.
Кондак 13
О, Небесный Параклите и Душе Всесвятый, от Отца Исходяй и Сыном Пришедый! Приими малое сие от всея души приносимое Тебе благодарение. Прииди к нам и пребуди выну в Церкви, да не угаснет в нас Божественный пламень Тобою возженный. И сподоби нам духом пламенети и плотоугодия не творити в похотех, да никогдаже угаснет дух наш и да выну прославляти будем Тя в душах и телесех наших, и тако возрожденнии Тобою, чистым духом и чистыми усты воспоем Единому Богу во Святей Троице: Аллилуиа.
(Этот кондак читается трижды, затем икос 1 и кондак 1)
Молитва на Сошествие Святаго Духа
О, Небесный Царю, Утешителю Святый, Душе Истины, везде сый и вся исполняяй, никогдаже начинаемый, ниже престаяй, но со Отцем и Сыном присно Сущий, первее во Ангельских Воинствах действовавый, священие даруя; и при миробытии в начале верху воды носивыйся, яко жизни Податель, в рай же первозданныя люди дыханием жизни воодушевивый и сладким общением Божественным утешавый я, по грехопадении же прародителей наших не восхотевый с падшими сынами человеческими пребывати, зане плоть быша, но точию во избраннех патриарсех и пророцех древле отцем глаголавый, в последок же дней сих, восхотев излити от Духа Своего на всяку плоть, первее на Честнейшую Горних Сил Пресвятую Деву Марию низшедый и велие таинство Воплощения Сына Божия Тою неизреченно совершивый, и паки на Том же Сыне Божием, во плоти на Иордан пришедшем, в виде голубине почивый, по сем же в великий день Пятидесятницы существенно в видении огненных язык на Апостолы сошедый и сими всю вселенную просветивый и Святую Церковь до скончания века Своею Божественною благодатию изобильно исполнивый, во еже падшее естество наше обожити и паки к райскому блаженству возвратити! Призри убо в сей великий, совершенный и конечный Пятидесятный праздник на моления рабов Твоих коленопреклоненно Тебе возносимыя, и очисти нас священным наитием Твоим от множества согрешений наших во всем житии нами содеянных. Едине Чистый и Пресвятый Душе, очисти нас от многия нечистоты нашея, да не паки оставиши нас, аще по плоти жити будем, яко не имать обитати Дух Твой в человецех плоть сущих, зане плоть и кровь Царствия Божия наследити не могут. Сего ради молим Тя: угаси живоносным дыханием Твоим весь пламень страстей наших, да не творим плотоугодия в похотех, но водимии Тобою, да будем прославляти Тя в душах и телесех наших. И избави нас от духа праздности, уныния, печали и гордости и даруй нам дух кротости и чистоты, дух смирения и целомудрия, дух терпения и любве, да приидеши во внутреннюю храмину душ наших и воцаришися тамо над страстями нашими, во еже сеяти нам ктому уже не в плоть и тление, но в дух, да от Духа Твоего пожнем живот вечный в последнее Воскресение и прославим Тя с лики святых со Отцем и Сыном во веки веков. Аминь.
Акафисты
Акафист священномученику Никодиму, епископу Белгородскому
•Житие
Кондак 1
Избранный угодниче Христов, новоявленный светильниче земли Белгородския, святителем слава и мучеником радование, священномучениче Никодиме, тя, яко достойнаго преемника святителя Иоасафа почитаем и помощи и предстательства у Престола Божия от тебе просяще, песненными похвалами тя ублажаем:
Радуйся, святителю Никодиме, земли Белгородския славо и украшение.
Икос 1
Ангеле земный и Небесный гражданине, богомудре святителю Христов Никодиме, вемы, яко много может молитва твоя, Владыку умилостивляющая. Темже память твою светло празднующе, молим тя, избави нас от всякия скорби и нужды, и сохрани от всех козней вражиих нас неврежденными, да в умилении сердца воспоим тебе сицевая:
Радуйся, измлада Господа возлюбивый;
Радуйся, ангельски на земли поживый.
Радуйся, в житии твоем святителю Иоасафу поревновавый;
Радуйся, в творениих своих его прославивый.
Радуйся, в подвизех неустанно пребываяй;
Радуйся, чистоту сердечную стяжавый.
Радуйся, христиан непостыдное упование;
Радуйся, монашествующих наставление.
Радуйся, святителю Никодиме, земли Белгородския славо и украшение.
Кондак 2
Видеша тя, богомудраго иерарха, не точию словом паству научающа, обаче добродетельным житием по Бозе пример показующа и отеческою любовию вся покрывающа, людие возблагодариша Всемилостиваго Бога, даровавшаго им таковаго добраго пастыря, с любовию пояху Ему: Аллилуия.
Икос 2
Разум просвещенный имея, достойно Богу в архиерейстем сане послуживый, любовь искреннюю паствы своея стяжал еси, едина от них живот свой за тя положише, егда богоборцы заключиша тя в темницу, тая, добрая жена священника, прииде умолити за тя властителя, ничтоже успеше, токмо жизни лишишася. Таковей любви паствы твоея умиляемся и тебе поим:
Радуйся, правило веры и образ благочестия;
Радуйся, архиерейскаго сана в Бозе величие.
Радуйся, апостолом дивный подражателю;
Радуйся, паствы неленостный учителю.
Радуйся, ангельских ликов сотаинниче;
Радуйся, мученических полков сопричастниче.
Радуйся, святителей богодухновенное украшение;
Радуйся, Церкви Христовой велие похваление.
Радуйся, святителю Никодиме, земли Белгородския славо и украшение.
Кондак 3
Силою Духа Божия укрепляемый, в монашестве жестокое житие поживе, постом и молитвою ветхаго человека в себе умерщвляя, в двери милосердия Божия неустанно толкийся, чистоту сердца стяжал еси, боголюбиве святителю Никодиме. Темже молим тя, испроси у Господа покаяннаго жития нам грешным, дабы и мы, обретя чистоту сердечную, выну воспевали Богу хвалебную песнь: Аллилуия.
Икос 3
Имамы тя молитвенника тепла и за Землю Русскую предстателя ко Господу усердна, святителю отче Никодиме, примером добраго жития твоего поучаемся, в вере утверждаемся и по силе коегождо подражати тебе мало мало пытаемся, учителю достославный. Темже благодарно тебе воспеваем:
Радуйся, тело свое воздержанием увядивый;
Радуйся, плоть свою духови покоривый.
Радуйся, постом Богу послуживый;
Радуйся, молитвою Отца Небеснаго ублаживый.
Радуйся, сердце свое от страстей очистивый;
Радуйся, жилище Духу Святому тамо уготовавый.
Радуйся, паству свою отечески возлюбил еси;
Радуйся, яко тии за тя душу полагали есте.
Радуйся, святителю Никодиме, земли Белгородския славо и украшение.
Кондак 4
Буря тяжкая гонений, обрушившаяся на Русь Православную, не поколебаше тишины сердца твоего, святителю Никодиме, пребыва убо тамо Христос, Егоже ты всем сердцем возлюбил еси, и храм велий, многими добродетельми украшенный, в глубине сердца твоего Господеви устроил еси, с любовию поя Ему: Аллилуия.
Икос 4
Слыша о богоугоднем житии твоем, народ с верою к тебе притекаху, яко к пастырю нелестному, егда же богоборцы злобныя восхитиша тя от среды их, тогда в молитве слезней к Богу обращахуся, воспеваша тебе таковая:
Радуйся, архиерее, Богом хранимый;
Радуйся, святителю, народом любимый.
Радуйся, сыновне Богу сердце свое отдавый;
Радуйся, Христа в храм сердечный приявый.
Радуйся, Таин Божиих благоговейный строителю;
Радуйся, велений Божиих усердный исполнителю.
Радуйся, за Христа в темнице томивыйся;
Радуйся, живота своего за имя Христово с радостию лишивыйся.
Радуйся, святителю Никодиме, земли Белгородския славо и украшение.
Кондак 5
Боготечною звездою сияеши на тверди Церкви Христовой, от Петрова града благочестием возсиявый и до Белгородстей земли свет учения Христова донесый, богомудре святителю Никодиме. Темже молим тя: даруй нам сердца люботрудныя во взыскание Господа нашего Иисуса Христа, Емуже вкупе с тобою радостно воспоим: Аллилуия.
Икос 5
Видяще тя, любовию к Богу горяща и вся во славу Божию творяща, людие ублажиша житие твое, боголюбиве отче Никодиме, восклицаша в радости: таков нам подобаше архиерей. Темже память твою светло празднуем и с любовию тебе воспеваем:
Радуйся, звездо от Петрова града в любви возсиявшая;
Радуйся, свеще, благодатию Белгородскую землю осветившая.
Радуйся, верный делателю винограда Христова;
Радуйся, цевнице, сладкозвучно воспевающая имя Иисусово.
Радуйся, добрый сеятелю слова Божия;
Радуйся, ревнителю чистоты Православия.
Радуйся, смирение сердечное возлюбивый;
Радуйся, князя гордых тем крепце уязвивый.
Радуйся, святителю Никодиме, земли Белгородския славо и украшение.
Кондак 6
Праведнику божественному и молитвеннику крепкому Иоанну Кронштадтскому подражая, велию любовь к Богу показал еси, егда в безбожное лютое гонение на Церковь Христову, не убоялся еси лукавых слуг нечестия и грозно обновленческую ересь обличил еси, верно поя Богу: Аллилуия.
Икос 6
Возсия Свет Христов в чистой храмине души твоея и указа тебе истинный путь спасения. Темже ложными обновленческими баснями не соблазнился еси и паству свою от впадения в злохитрыя их сети сохранил еси. Тако и ныне спаси нас, святителю Никодиме, от всякия ереси и нечестия, да с любовию поем ти:
Радуйся, пастырю всероссийскому Иоанну достойный подражателю;
Радуйся, нечестия мужественный обличителю.
Радуйся, в вере и благочестии нас утверждающий;
Радуйся, паче всего любити Бога нас научающий.
Радуйся, невидимых врагов сокрушителю;
Радуйся, всяких козней их разорителю.
Радуйся, архиерее, греховных уз разрешителю;
Радуйся, кающихся грешников с Богом примирителю.
Радуйся, святителю Никодиме, земли Белгородския славо и украшение.
Кондак 7
Хотяще святии угодницы Божии почтити, в писаниих твоих подвиги и труды оных прославивый и паки им в житии твоем подражавый, с ними и сам прославися. Темже к лику избранных Божиих сопричтенный, вкупе со всеми святыми поеши Богу: Аллилуия.
Икос 7
Новую богоборческую власть сердцем своим не приявый, разрушаша бо тии церкви и вельми озлобляша христианы, мучиша и убиваша за имя Христово. Ты, яко добрый пастырь на защиту паствы твоея востал еси, святителю Никодиме, и живот свой за Христа положил еси. Мы же подвиг твой ублажаем и молим тя прияти от нас похвалу сицевую:
Радуйся, Церкви защитниче неустрашимый;
Радуйся, воине Христов непобедимый.
Радуйся, кровь свою за Церковь Христову радостно проливший;
Радуйся, ангели Небесныя возвеселивший.
Радуйся, любовию злобу людскую победивший;
Радуйся, человеконенавистника в сердце поразивший.
Радуйся, Христа Евангельски возлюбивший;
Радуйся, вся заповеди Его исполнивший.
Радуйся, святителю Никодиме, земли Белгородския славо и украшение.
Кондак 8
Сирых питателю, вдов защитителю, убогих и немощных попечителю, страннолюбивое исполнял еси служение, милостиве святителю Никодиме, никтоже от тебе тощ и неутешен отъиде и, яко на земли суще толико милостив был еси, колико же ныне, в Славе Небесней сияя, имаши дерзновение молити за ны, сродницы твоя земныя, испроси нам спасения и вечнаго с Богом пребывания, да и мы вкупе с тобою воспоем Ему с любовию: Аллилуия.
Икос 8
Все упование на Бога возложивый и крест страданий на рамена подъявый, за Христом невозвратно пошел еси, святителю Никодиме, и егда безбожныя слуги антихристовы убиваша тя, с любовию их благословил еси, рече Господу: Отче, отпусти им, не ведают, что творят. Темже подвиг твой ублажише, дарова ти Христос все Царство Свое, идеже вечно ликуя со святыми, моли Бога о нас, поющих тебе:
Радуйся, Слова Божия верный исполнителю;
Радуйся, о сирых и убозих неусыпный попечителю.
Радуйся, любовию Самому Христу подражавый;
Радуйся, убийцы своя незлобиво простивый.
Радуйся, за любовь свою Царство вечныя любви стяжавый;
Радуйся, молитися Богу за ны дерзновение приявший.
Радуйся, сладчайший лик Христов выну зриши;
Радуйся, Царицу всех цариц со святыми присно прославляеши.
Радуйся, святителю Никодиме, земли Белгородския славо и украшение.
Кондак 9
Всякое имея попечение о души своей, потщался еси тую добродетельми украсити, алчущий и жаждущий правды Божия был еси, святителю Никодиме. Ныне же нетленную пищу райскую присно вкушаеши и Незаходимаго Света Христова радостно приобщаешися, с любовию сладце поя Ему: Аллилуия.
Икос 9
Витии суемудреному не удобо есть разумети, како человек во плоти возможе житие ангельское на земли проводити. Темже, отче священне Никодиме, о души своея велие попечение имея, не дал еси сна скраниама твоима и веждома твоима дремания, слезы умиления, яко росу благоуханную, Богу приносяще за всю страждущую Русь Православную и несмысленых чад ея, во гресех погибающих. Тако и за ны возопий ко Господу, помози спастися и в разум истины приити, всем славящим тя:
Радуйся, человече, ангельский нрав имевый;
Радуйся, в добродетелех вельми преуспевый.
Радуйся, внимательное житие проводивый;
Радуйся, умиление драгоценное стяжавый.
Радуйся, вся сладкая тленная презрел еси;
Радуйся, на поли сердечнаго покаяния безценный бисер Христа приобрел еси.
Радуйся, в блаженстве райстем Троицу прославляеши;
Радуйся, с кротцыми в Царстве Божии Христа, блаженне, созерцаеши.
Радуйся, святителю Никодиме, земли Белгородския славо и украшение.
Кондак 10
Спасение от Бога улучивший в Невечернем Свете, яко звезда небесная, светом Христовым сияеши, святителю блаженне Никодиме, и паки в обагренной кровьми твоими ризе, яко в царской порфире, пред очима Божиима предстоиши и вкупе с исповедницы и новомученицы российстими поеши Богу: Аллилуия.
Икос 10
Стена и прибежище был еси христианом, на правый путь я наставляющий и от богоборческия злобы я защищающий, святителю отче Никодиме. Темже воззри милостивно на град наш и все грады и веси Отечества нашего, и молитвами твоими огради нас от всех воюющих на ны и от всяких бед спаси любовию поющих ти сицевая:
Радуйся, светильниче пресветлый, Белгородскую землю освещающий;
Радуйся, сосуде благодати неоскудевающий.
Радуйся, хранилище чудное Духа Святаго;
Радуйся, храме боголепный Бога Живаго.
Радуйся, добрый делателю, на ниве Божии верно потрудивыйся;
Радуйся, зрелый класе, в житницы Небесныя положивыйся.
Радуйся, недугов телесных целителю;
Радуйся, пороков греховных врачевателю.
Радуйся, святителю Никодиме, земли Белгородския славо и украшение.
Кондак 11
Пение хвалы Богу житие твое бе, отче святителю Никодиме, тако монашеское и святительское житие совокупи, обрете добрый плод благочестия и ревности к богоугождению. Тако и тело твое добродетельми украси и в жертву богоприятную Богу принесе, сердцем поя Ему: Аллилуия.
Икос 11
Светом Христовым просветися и абие к подвигу уготовися, давидски рекл еси: готово сердце мое, Боже, готово сердце мое и паки аз на раны готов. Не токмо усты Христа исповедал еси, обаче и страдал по Нем еси, священномучениче Никодиме, Имже ныне прославленый, побуждаеши ны воспевати тебе сице:
Радуйся, в посте и молитве житие проводивый;
Радуйся, тем Богу приятное сотворивый.
Радуйся, Светом Христовым просвещенный;
Радуйся, Духом Святым осиянный.
Радуйся, фиале, молитв благоуханных исполненый;
Радуйся, ковчеже, Духом Святым позлащеный.
Радуйся, первосвященниче, благодать сугубую приемший;
Радуйся, ревность Моисеову имевший.
Радуйся, Финеесе, честь Церкви Христовой защищающий;
Радуйся, яко Илия, беззаконников безстрашно обличающий.
Радуйся, святителю Никодиме, земли Белгородския славо и украшение.
Кондак 12
Благодать Божественную испроси нам, святителю Никодиме, архипастыри и пастыри церковныя облагодати Духом Святым и вси верныя, чтущия святую память твою и песненно тя ублажающия, сего Утешителя в сердцы прияти сподоби, да просвещеннии и очищеннии, прославим Бога, дивнаго во святых Своих, радостно поюще: Аллилуия.
Икос 12
Поим песнь хвалы и благодарение Богу, даровавшему нам тя, новаго светильника земли Белгородския и всея Руси, славим Пресвятую Богородицу, милостию Своею нас посещающую и иконою Песчанскою всех нас ограждающую, чтим всех святых, в Земли Российстей просиявших. Темже, в сонме святых пребывающе, моли о нас грешных и немощных чадех твоих, святителю Никодиме, с любовию поющих ти:
Радуйся, радостный жителю Горняго Иерусалима;
Радуйся, яко на главе твоей сияет царская диадима.
Радуйся, яко победитель, венец славы от Господа восприявый;
Радуйся, немощныя бесовския дерзости силою Божиею сокрушивый.
Радуйся, святителей славо и мучеников радование;
Радуйся, князей бесовских плач и велие рыдание.
Радуйся, райский цвете благоуханный;
Радуйся, достойный наследниче Земли Обетованной.
Радуйся, ратниче Божий непобедимый;
Радуйся, Церкви столпе несокрушимый.
Радуйся, благодати приснотекущий источниче;
Радуйся, за землю Русскую дерзновенный молитвениче.
Радуйся, святителю Никодиме, земли Белгородския славо и украшение.
Кондак 13
О, священная главо, иерарше достоблаженный, богомудре святителю Никодиме, услыши убо малое моление наше и Богу благоутробному принеси, да помилует нас рабов Своих и не помянет грехов и беззаконий наших. Темже вси исполнившись благодарения за вся милости Его безмерныя, вкупе с тобою вечно будем воспевати благодеющему Богу: Аллилуия.
[Се́й конда́к глаго́лется три́жды.]
[Далее повторяем 1‑е икос и кондак:]
Икос 1
Ангеле земный и Небесный гражданине, богомудре святителю Христов Никодиме, вемы, яко много может молитва твоя, Владыку умилостивляющая. Темже память твою светло празднующе, молим тя, избави нас от всякия скорби и нужды, и сохрани от всех козней вражиих нас неврежденными, да в умилении сердца воспоим тебе сицевая:
Радуйся, измлада Господа возлюбивый;
Радуйся, ангельски на земли поживый.
Радуйся, в житии твоем святителю Иоасафу поревновавый;
Радуйся, в творениих своих его прославивый.
Радуйся, в подвизех неустанно пребываяй;
Радуйся, чистоту сердечную стяжавый.
Радуйся, христиан непостыдное упование;
Радуйся, монашествующих наставление.
Радуйся, святителю Никодиме, земли Белгородския славо и украшение.
Кондак 1
Избранный угодниче Христов, новоявленный светильниче земли Белгородския, святителем слава и мучеником радование, священномучениче Никодиме, тя, яко достойнаго преемника святителя Иоасафа почитаем и помощи и предстательства у Престола Божия от тебе просяще, песненными похвалами тя ублажаем:
Радуйся, святителю Никодиме, земли Белгородския славо и украшение.
Молитва
О священная главо, многострадальне святителю Никодиме, ты по славе Божией святителем вселенским поревнова, с нимиже и достойную часть приемлеши. Темже с высоты Небесныя на ны милостивно взирающе, умоли Всемилостиваго Христа Бога нашего даровати нам вся потребная ко спасению, Церквам мир и благостояние, священнослужителем благоговение и страх Божий испроси, наш милостивый ходатаю, монашествующим в молитве пребывание, народу благочестие и в вере крепкое стояние, младенцем окормление, юным целомудрие, от пагубных пороков и страстей явных и сокровенных избави, сердце чистое и покаяние истинное даруй всем, тебе молящимся. В темницех сидящих посети, путешествующих сохрани, в унынии и отчаянии находящихся ободри, от всех враг видимых и невидимых защиту и избаву нам подаждь, на воздушных мытарствах и на Страшнем Суде Божии защити, да вси прославим Бога Отца и Сына и Святаго Духа, Триипостасную Державу, Едино Царство и Господство и тя, нашего усерднаго молитвеника, священномучениче Никодиме преславне. Аминь.
ПРОПОВЕДЬ ДНЯ
ПОНЕДЕЛЬНИК
ДЕНЬ СВЯТОГО ДУХА
Прот. Димитрий Смирнов. Духов день.
По свидетельству святых отцов, когда Дух Святой пребывает в сердце человека, на душе у него возникает удивительная тишина, мир и покой. Господь так и говорил: «Приидите ко Мне вси труждающиися и обремененнии, и Аз упокою вы». И когда мы молимся об усопших наших братьях, мы тоже просим, чтобы Господь упокоил их, чтобы дал им Царствие Небесное, этот покой, мир в душе.
Вся наша жизнь состоит из того, что мы все время чем-то возмущены – вот как вода на море возмущается, теряется гладь, и идут волны. Если мы наклонимся над спокойной водой, то можем, как в зеркале, увидеть свое отражение, свой образ, а когда вода возмущена, образ этот стирается. И в нашей душе: когда в ней мир, когда в ней Святой Дух, душа покойна и мирна, а когда душа возмущена страстями, она волнуется. Поэтому каждый из нас, если он хочет стяжать Святаго Духа, должен за собой следить очень внимательно. И слово Божие – Апостол и Евангелие, которые мы сегодня читали, – говорит как раз об этом.
«Плод Духа, – пишет апостол Павел к Ефесянам, – состоит во всякой благости, праведности и истине. Испытывайте, что благоугодно Богу, и не участвуйте в бесплодных делах тьмы». То есть человек, желающий Богу угодить, желающий соединить свою душу со Святым Духом, должен постоянно над своей душой бдеть, постоянно внимательно следить, не возмущается ли чем душа: какими-то мыслями, какими-то чувствами, желаниями, – чтобы все время гладь была в душе, чтобы в этой глади отражался образ Божий. А как только душа возмущается, значит, благость ушла из нас, значит, мы отошли от истины. Потому что плод духовной жизни именно в благости, в истине и праведности. И если этого нет, значит, мы чем-то согрешили, какая-то нечистота в нас вошла: либо гнев, либо зависть, либо обида, либо словопрение, либо осуждение, либо блудность. Что-то такое душу возмутило – и сразу исчезла память о Боге.
«Ибо о том, что они делают тайно, стыдно и говорить. Все же обнаруживаемое делается явным от света, ибо все, делающееся явным, свет есть. Посему сказано: «встань, спящий, и воскресни из мертвых, и осветит тебя Христос». Речь идет о том, что надо не спать, а бодрствовать над своей душой. Обычно мы живем, совершенно ни о чем не задумываясь. Проснулся, встал, поел; не размышляя даже над словами, правило почитал; пошел на работу; какая-то мысль пришла – эту мысль обсасываешь; туда посмотрел, это сделал, с тем поругался, того осудил; вечером с работы пришел – телевизор включил, посмотрел, лег спать. И так человек плывет по течению, живет как живется, пребывает в грехе. А Господь хочет, чтобы мы постоянно бдели над своей душой, чтобы не было у нас духовного сна. Поэтому все время надо думать: вот я сейчас сделал что-то, а угодно ли это Богу, хорошо ли это? То есть все время держать память о Боге. Только так можно сохранить ту благодать, которую мы получаем в церкви.
«Итак, смотрите, поступайте осторожно, не как неразумные, но как мудрые, дорожа временем, потому что дни лукавы». Ну да, день проспал, два проспал, неделю, месяц, год, десять лет. Многие так всю жизнь проспали, так мимо благодати Божией и прожили всю свою жизнь и даже и не знают, что такое Бог. Слышали, что был Иисус Христос, что есть где-то Пресвятая Троица, а сами не ощутили никогда своим сердцем Бога. Умом-то, может, и понимают, что Бог есть, а сердцем не чувствуют, потому что сами из своего сердца Бога изгоняли. Поэтому апостол говорит: «Поступайте осторожно». Очень надо быть внимательным к своей жизни, к своим поступкам, особенно к своим мыслям и чувствам.
«Итак, не будьте нерассудительны, но познавайте, что есть воля Божия. И не упивайтесь вином, от которого бывает распутство; но исполняйтесь Духом». Почему люди пьют вино? Чтобы дать веселие своей душе, как-то расслабиться. Но христианину нет такой нужды, потому что от этого расслабления бывает еще больший сон души. И так контроля нет над своей душой – а тут вообще, как сметана, человек растекается и уже глупо хихикает, ему кажется, что он очень остроумен и блестящ, а на самом деле ничего в этом приятного нет, отвратительное зрелище. Даже когда немножко человек выпьет, уже у него и мышцы лица обмякают, и речь становится иной, и такой человек бывает противен. Почему? Вот даже интересно. Да потому, что мы привыкли к одному человеку, к определенному его образу, а вино этот образ меняет, подменяет этого человека. Поэтому когда человек в пьяном виде, мы говорим, что это безобразно, то есть без образа – образ смещается, перед нами уже другой человек. А если он чуть больше выпил, он может сделать такое, чего никогда в трезвом виде не сделает, потому что теряет контроль над собой. Поэтому и говорят: у пьяного что на уме, то и на языке. От этого и блуд бывает, что полностью расслаблен человек и не может уже своим страстям никак сопротивляться.
«Мир всем»
Почему же люди пьют? Не от того, что водка дешевая или вкусная. Она совсем невкусная. Вот посмотреть, как ее пьют: морщатся, такая гадость. А ведь пьют и самогон, и всякие жидкости, для этого не предназначенные. Почему? Потому что хочет человек покоя душе. Кругом одно зло, жить тяжело, безрадостно, хочет человек чем-то себя ублажить и попадается на этот крючок. Но христианину, который знает, что такое благодать Божия, есть где утешаться. Апостол призывает: Духом Святым надо упиваться, Ему молиться, просить, чтобы Дух пришел, нас порадовал, нас облегчил, нас утешил. Поэтому если верующий человек все-таки пристрастен к вину, то он уже идолопоклонник, он уже не христианин, он пребывает в смертном грехе.
Некоторые спрашивают: а курить – грех? Понятно, что не сам табак – грех, а то, что человек пристрастен к этим сухим листьям. Он, царь мира, царь природы, становится рабом нескольких скрученных, измельченных листьев, завернутых в бумагу! Он, видите ли, без них жить не может. Человек должен не мочь жить без Бога. Вот это понятно, потому что Бог – податель жизни. А он не может жить без табака. Это смешно, смешно, что он свою природу божественную так низко опускает, что не может уже жить без вина, без табака, без телевизора, без еще какой-то ерунды, о которой и говорить-то совестно. И тем не менее человек становится рабом, и это рабство есть грех. Христос нас призвал к свободе – свободе от греха. Поэтому любое рабство есть грех, к чему бы человек ни привязывался: к деньгам ли, к еде ли, к детям своим. Любая привязанность, которая становится на место Бога, уже есть грех. Человек прежде всего должен стремиться к Богу. Цель христианской жизни – именно достижение Царствия Небесного.
«...назидая самих себя псалмами и славословиями и песнопениями духовными, поя и воспевая в сердцах ваших Господу». Апостол говорит о том, что надо Псалтирь читать, надо молиться, надо песнопения петь духовные, то есть делать как раз то, чем мы в храме и занимаемся: все время в сердцах своих воспеваем Бога, благодарим Бога за то, что Он нам дал, за то, что Он нас от таких грехов отвратил, вырвал нас из мира, который, несчастный, погибает в блуде, в нечистоте, воровстве, в стремлении к накопительству, к вещам. Слава Богу, Господь нас от этого освободил и нам теперь не нужно быть рабами этого.
«...благодаря всегда за все Бога и Отца, во имя Господа нашего Иисуса Христа, повинуйтеся друг другу в страхе Божием». Еще Господь говорит: «Блюдите... како опасно ходите». Действительно, если мы не будем за своей душой наблюдать, то очень незаметно, шаг за шагом, мысль за мыслью, уйдем от Бога на страну далече. Особенно это бывает заметно, когда человек много болтает. Тихон Задонский говорил: никого не обсуждай и ничего не обсуждай, чтобы не осуждать. Потому что начали говорить – и за разговором незаметно переключились на осуждение. Все время оценки кому-то выносим, все время возмущаемся, все время чем-то недовольны – и мир из души уходит. Поэтому самое главное – нужно хранить благодать Божию.
И отрывочек из Евангелия от Матфея, который мы сегодня читали, нас учит, как важно для того, чтобы сохранить благодать Божию, не презирать ни одного из малых сих. Если мы превозносимся над своим собратом, пусть даже он и не очень разумный, и не очень ученый, и, может быть, в нем действительно есть что-то смешное, – но если мы относимся к нему с презрением, мы согрешаем, ибо, говорит Господь, «Ангелы их на небесах всегда видят лице Отца Моего Небесного». У каждого человека, праведник он или грешник, есть ангел. И если мы относимся с презрением, высокомерием к любому человеку, то этим оскорбляем и ангела его. Потому что ангел любит этого человека, он приставлен к нему, он о нем заботится; когда человек живет праведно, ангел радуется, когда грешит, ангел печалится, но все равно старается его защитить, как-то сохранить и на путь истинный вывести. Поэтому своим презрением к тому человеку, которого ангел любит, мы оскорбляем это высшее нас, чистейшее существо и тем самым вносим диссонанс и в ангельский мир, вносим разлад в Царствие Небесное. И если мы хотим войти туда, в Царствие Небесное, в Царство любви и гармонии, то мы не должны нарушать покой, тишину и мир, которые там пребывают.
«Сын Человеческий пришел взыскать и спасти погибшее. Как вам кажется? Если бы у кого было сто овец, и одна из них заблудилась, то не оставит ли он девяносто девять в горах и не пойдет ли искать заблудившуюся?» Ведь пойдет? Пойдет. Так же и Господь каждого любит и не презирает никого. Вот и мы, если мы хотим достичь мира в душе, достичь Святаго Духа, Царствия Небесного, достичь христианской жизни, должны поступать точно так же. Потому что «нет воли Отца вашего Небесного, чтобы погиб один из малых сих». Богу не угодно, чтобы погиб хоть один человек. За каждого человека идет борьба, и на чью сторону сам этот человек встанет, тот и победит: встанет человек на сторону Божию – победит в его сердце Господь; встанет на сторону дьявола – победит в его сердце дьявол. Потому что Господь не может волю человека насиловать. Господь может только призывать, потому что Он – любящий. Поэтому Он идет перед стадом и зовет за Собой. Кто пойдет – пожалуйста, вот дорога в Царствие Небесное. Господь мог бы сзади идти и кнутом туда гнать, но раз есть кнут, тогда нет любви. Поэтому Он этого и не делает, а идет впереди и зовет всех: хотите – пойдемте, не хотите – оставайтесь. Господь делает все для каждого человека, каждого человека спасает, каждого вразумляет, каждому посылает какое-то испытание, чтобы его вразумить, мозги его направить к Царствию Небесному – о каждом Господь печется.
Что бывает причиной изгнания из души Святаго Духа? Все смертные грехи, конечно, но самый распространенный – это гнев, который чаще всего проявляется в раздражительности и доходит до того, что человек готов и зло какое-то учинить. Это с каждым бывает, мы все знакомы с этим состоянием. И когда человек в гневе, конечно, Дух Божий сразу его покидает. Поэтому Господь и призывает: «Если же согрешит против тебя брат твой, пойди и обличи его между тобою и им одним». Вот он против тебя какое-то зло сотворил, а ты скажи ему: знаешь, ты неправ. Не надо кричать, не надо бить, не надо мстить. «...если послушает тебя, то приобрел ты брата твоего; если же не послушает, возьми с собою еще одного или двух, дабы устами двух или трех свидетелей подтвердилось всякое слово». То есть если он тебя не воспринимает, как мы теперь говорим, в упор не видит, не хочет с тобой дело иметь, то позови еще кого-то, кто для него авторитет, может быть, он вразумится, если и другой человек ему скажет: ты все-таки неправ, не надо, уймись, нехорошо ты поступаешь.
«...если же не послушает их, скажи церкви». Когда апостол Павел жил, Церковь была единой семьей. Сейчас мы каждый сам по себе, каждый в свою дуду: когда хочу, прихожу, когда хочу, причащаюсь, когда хочу, не причащаюсь. Каждый живет своей жизнью. Во времена же апостола Павла жизнь была общая и все было общее: и деньги, и дети, и имущество, и была общая любовь. Поэтому сейчас мы не можем сказать Церкви. Кто из нас есть Церковь? Но если человек пойдет против учения Церкви, то тогда «да будет он тебе, как язычник и мытарь».
Язычник – это значит человек некрещеный, а мытарь – грешник. Что же с ним сделать? Убить его, наплевать ему в лицо, отомстить, в милицию сдать? Нет, об этом ничего не сказано. Что же требуется? А не общайся с ним, отойди, Бог с ним. Раз он не хочет мириться, раз он не хочет признать свою вину, для всех очевидную, раз он нарушает заповедь Божию, идет против всего строя церковной жизни, не надо его обличать, не надо его ругать. «Будет он тебе, как язычник и мытарь», отойди «от зла и сотвори благо».
Часто бывают такие ситуации, что человек выходит из человеческого образа. Ему и так, и так, и так... Когда все меры исчерпаны, что делать? Прекратить всякое общение, пока он не вразумится. Апостол Павел называл это «предать сатане во измождение плоти». Потому что каждый человек, пребывая в грехе, обязательно в конце концов наткнется на стену, обязательно себе лоб расшибет. Но может быть, это его вразумит – пусть через пять лет, десять лет, а может, через месяц, но он в разум войдет. Вот так и мы должны поступать, если у нас с кем-то бывает ссора. Апостол Павел говорит: «Если возможно с вашей стороны, будьте в мире со всеми». Но есть такие люди, с которыми невозможно быть в мире. Чем больше ты ему делаешь добра, тем он больше наглеет, тем более бессовестным становится. Чем ты больше с ним нянчишься, тем он больше тебе садится на шею, и вместо того, чтобы благодарить, он тебя еще пятками пытается погонять. Ну что с ним делать? Постараться отойти от него, даже если он обижается. Не надо с ним вступать в борьбу, что-то доказывать, потому что иначе мир в душе потеряешь.
«Истинно говорю вам: что вы свяжете на земле, то будет связано не небе; и что разрешите на земле, то будет разрешено на небе. Истинно также говорю вам, что если двое из вас согласятся на земле просить о всяком деле, то, чего бы ни попросили, будет им от Отца Моего Небесного, ибо, где двое или трое собраны во имя Мое, там Я посреди них». Спрашивается: почему где двое или трое соберутся и согласятся о чем-то просить у Бога, то Господь всегда им даст? Почему Он говорит, что когда двое или трое соберутся во имя Мое, Я среди них? Каким образом это происходит? Дело в том, что человек может молиться как фарисей: сам собой быть доволен, сам себя очень любить, с большим почтением к себе относиться. Но такая молитва Богом не принимается. А когда двое или трое просят о ком-то или о чем-то у Бога, то этим они выполняют самую главную заповедь Божию, они едины в любви. И когда это единство в людях возникает, тогда Господь к ним приходит и они становятся неприступными. Это особенно наглядно в семьях наблюдается. Если есть единство в семье, тогда она неприступна ни для каких вражеских сил, а когда любви нет, каждый считает своим долгом другого себе подчинить, старается жить за счет другого – и сразу все разваливается, Духа Божия в такой семье быть не может, в ней нет ни общей молитвы, ни общего делания.
Поэтому мы должны стремиться к этому единству, стремиться по возможности быть со всеми в мире, стараться братьям своим прощать немощи их. Чем-то согрешит против тебя человек – надо преодолеть эту рознь, надо стараться простить от глубины души, надо стараться все время быть вместе, стараться все время, чтобы любовь не покидала наше собрание. Тогда Господь будет с нами. А если в нас гнев, то мы тем самым сразу Господа изгоняем. Всякий гнев между нами, всякое раздражение разделяет, потому что с духом гнева входит в нас нечистый дух. Поэтому апостол, к родителям обращаясь, и говорит: «Отцы, не раздражайте детей ваших, дабы они не унывали». Потому что когда один другого раздражает в семье, то сразу же дух разъединения начинается, сразу все начинает распадаться, умирать. Дух Святой всех объединяет, это Дух собирающий, это Дух, объединяющий в любви. А дух сатанинский, дьявольский, наоборот, разделяет. И мы должны, особенно в день Святаго Духа, об этом вспомнить: объединить нас всех в любви может только Дух Святой по благодати Божией. Поэтому будем к Нему стремиться, а то, что нас разъединяет, будем из нашего сердца и из нашего общения изгонять. Аминь.
День Святого Духа.
Во имя Отца и Сына и Святаго Духа!
Свобода — это вожделенное слово и состояние, к которому всегда стремится человек. Многие народы боролись за свободу, за то, чтобы быть свободными от чужого ига, от порабощения. Люди погибали за свободу, и многие страны празднуют День освобождения, День свободы. Сегодня Церковь и все мы празднуем день свободы в Духе Святом.
Апостол Павел говорит: где Дух Господень, там свобода (2 Кор. 3, 17). Люди борются за свободу политическую, экономическую, личную свободу, но очень часто в этой борьбе они движимы совсем неправильными желаниями и часто становятся участниками дел тьмы, сами того не понимая, думая, что они борются за что-то светлое, стремятся к чему-то хорошему, что облегчит им жизнь, сделает их лучше. Но ничто не сделает их лучше, чем благодать Святого Духа, которую Бог Отец ниспосылает по обетованию Сына всем нам.
Дух Святой — вот источник истинной свободы. Свобода в Духе Святом — это то, ради чего можно пожертвовать любой свободой, и любым достоянием, и любым богатством в этом мире. Нам Творец совершенно безвозмездно дает эту свободу в Духе Святом. Благодать Святого Духа очищает и освобождает нас от рабства греху.
Часто мы, христиане, получив эту благодать забываем о том, с каким благоговением надо относиться к этой свободе и оскверняем ее, оскорбляем ее и сами добровольно возвращаемся в рабство греху.
Об этом апостол Павел сегодня говорит: Вы были некогда тьма, а теперь — свет в Господе: поступайте, как чада света, потому что плод Духа состоит во всякой благости, праведности и истине (Еф. 5, 8).
Благость, праведность и истина — вот лицо истинной свободы в Духе Святом, к которой призывает нас Господь наш Иисус Христос и Бог Отец и Божественный Дух.
Аминь.
КАНОН СВЯТОМУ ДУХУ
ПОНЕДЕЛЬНИК. ДЕНЬ СВЯТОГО ДУХА
Творение преподобного Феофана.
Песнь 1
Ирмос: Горькия работы избавлься Израиль, непроходимое пройде, яко сушу, врага зря потопляема, песнь, яко Благодетелю, поет Богу, чудодеющему мышцею высокою, яко прославися.
Слава Тебе, Боже наш, слава Тебе.
Божественный Душе Святый, Иже всем разделяяй дарования и вся творяй волею, вдохни ми светоносное Твое дарование, яко да славлю Тя, Отцу и Сыну совокупляема.
Слава Тебе, Боже наш, слава Тебе.
Иже небесным силам святостнаго дохновения Твоего благодать даяй, Утешителю, моего смысла, яко Благ, скверну исчистив, святости Твоея покажи исполнена.
Слава Отцу и Сыну и Святому Духу.
Источниче жизни веруемый и струя естественныя благости, Душе Божий Святый, ум мой умерщвленный оживотворив, Твоим действом возстави пети Твое Божество.
И ныне и присно и во веки веков. Аминь.
Богородичен: Храм, Дево, бывши Божий, нашествием Духа содетельною силою Его, силу дарующа рождественну, Благодатная, еюже родила еси плотию Слово Безначальное.
Песнь 3
Ирмос: Прежде век от Отца рожденному нетленно Сыну и в последняя от Девы воплощенному безсеменно Христу Богу возопиим: вознесый рог наш, Свят еси, Господи.
Слава Тебе, Боже наш, слава Тебе.
Имея по естеству, хотения силу стечну, небесныя премирныя, яко Бог содетельствуя, Дух Святый непрестанно учит вопити: Свят еси, Господи.
Слава Тебе, Боже наш, слава Тебе.
Песньми немолчными облиставшую благодать Духа богоглаголивых апостол в дыхании бурне, согласно славим, со безплотными вопиюще лики: Свят еси, Господи.
Слава Отцу и Сыну и Святому Духу.
Едину власть, и Божество Едино, и силу, Едино начало и Царство Святыя Троицы, мудрствующе поем, в трисвятом гласе вопиюще: Свят еси, Господи.
И ныне и присно и во веки веков. Аминь.
Богородичен: Колеснице светоносная и светлое пребывалище, Всечистая, Херувим вышши сущи, Бога бо на руку носившая. Темже Ти вси вопием, Чистая: радуйся, Всеблаженная.
Песнь 4
Ирмос: Жезл из корене Иессеова и цвет от него, Христе, от Девы прозябл еси, из горы хвальный, приосененныя чащи, пришел еси, воплощся от Неискусомужныя, Невещественный и Боже, слава силе Твоей, Господи.
Слава Тебе, Боже наш, слава Тебе.
Великая даруяй нам Дух Всесвятый, на апостолы найде, яко Божествен, яко Благ, яко исполняя всяческая, яко боготворя, яко освящая, яко всех Творителен, Владыческий и Самовластен.
Слава Тебе, Боже наш, слава Тебе.
На престоле, Христе, Отеческом сед, низпослал еси учеником Твоим Утешителя, якоже обещался еси, Спасе, яко Бога грядуща: посылая же несопротивна, яко всех Содетеля, из Отца исходяща.
Слава Отцу и Сыну и Святому Духу.
Глаголати языки пророк будущая научи Дух древле Всесвятый: языки же премудрых апостол вещает величия Божия во гласе дыхания бурнейша, ныне существенне спребываяй.
И ныне и присно и во веки веков. Аминь.
Богородичен: Врата умнаго Света именуем Тебе, Богомати, имиже вниде к нам Христос, красен явися блистаньми Божества, в плотстем одеянии покровен, невидимь, яко Бог: ныне же по нам видимь.
Песнь 5
Ирмос: Бог сый мира, Отец щедрот, великаго Совета Твоего Ангела, мир подавающа, послал еси нам. Тем богоразумия к свету наставльшеся, от нощи утренююще, славословим Тя, Человеколюбче.
Слава Тебе, Боже наш, слава Тебе.
О, Душе премудрости и страха Божия, истины, совета и разума, мир подаваяй, вселися в ны, яко да освятившеся Твоим вселением, из нощи утренююще, славословим Тя, Человеколюбче.
Слава Тебе, Боже наш, слава Тебе.
Иже вся содержай и всех сый Господь, Иже тварь соблюдаяй непадаему, подаждь святьбу нам и просвещение, яко да насытившеся Твоего светодательства, из нощи утренююще, славословим Тя, Человеколюбче.
Слава Отцу и Сыну и Святому Духу.
Иже древле закон начертавый Моисею, новаго завета веления, и закон благодати излагает ясно, во апостольских сердцах написав, Божественный Утешитель нашед, яко Человеколюбец.
И ныне и присно и во веки веков. Аминь.
Богородичен: Клятву Евину, всех матере, Твоим Рождеством, Дево, упразднила еси, миру благословение возсиявши Христа. Темже, радующеся, усты и разумом Богородицу воистинну Тя исповедающе блажим.
Песнь 6
Ирмос: Из утробы Иону младенца изблева морский зверь, якова прият: в Деву же всельшееся Слово и плоть приемшее пройде сохраншее нетленну. Егоже бо не пострада истления, Рождшую сохрани неврежденну.
Слава Тебе, Боже наш, слава Тебе.
Твоим учеником исполняя обещание, Духа, Христе, сим послал еси, действо великих чудес дарующа, и языки огнезрачныя дарствующа, да Твоего познания язык стада исполнят.
Слава Тебе, Боже наш, слава Тебе.
Прииди к нам, Душе Святый, причастники Твоея содевая святости и света невечерняго, и Божественныя жизни, и благоуханнейшаго раздаяния: Ты бо река Божества, из Отца Сыном происходящий.
Слава Отцу и Сыну и Святому Духу.
Спаси, Утешителю, верно поющих боголепное пришествие Твое, и очисти от всякия скверны, яко Благоутробен, и покажи достойны Твоего осияния, и светом Твоим боговиднейшим сотвори я нескверненна зерцала.
И ныне и присно и во веки веков. Аминь.
Богородичен: Весь лик пророческий, от Бога тайнонаучимь, предглагола таинство неизреченнаго и Божественнаго воплощения Бога Слова из Тебе, Дево Мати: Ты бо истиннейший и древний Совет явила еси.
Седален, глас 8
Подобен: Премудрости слова:
Всесвятый Дух, ныне сошед на апостолы видом огненным, ужасом исполни языков собрания: языки бо глаголющих огненными, Человеколюбче, свою кийждо беседу слышаше. Темже и чудо неверным, яко пиянство, верным же спасительное воистинну познавашеся. Сего ради славим державу Твою, Христе Боже, прегрешений оставления просяще низпослати богатно рабом Твоим.
Песнь 7
Ирмос: Отроцы благочестию совоспитани, злочестиваго веления небрегше, огненнаго прещения не убояшася, но, посреди пламене стояще, пояху: отцев Боже, благословен еси.
Слава Тебе, Боже наш, слава Тебе.
Ныне обетования предложение Христова исполняется: разделения бо языков Духа пришествие показа учеником, облиставшее от Троицы Единаго Пребожественнаго.
Слава Тебе, Боже наш, слава Тебе.
Древле убо разделися согласие языков безсловесное: ныне же ко единому сличеству яве собрашася, самодействующу честному и Божественному Духу, от Троицы Пребожественныя Единому.
Слава Отцу и Сыну и Святому Духу.
Свыше носиму дохновению Святаго Духа, величия Божия преславно вещаху апостоли Христовы, согласно поюще: отцев Боже, благословен еси.
И ныне и присно и во веки веков. Аминь.
Богородичен: Образ Твоего рождества трие отроцы в пещи показаша: яко бо пребыша огнем невредими, сохранилася еси чиста, приемши во чреве огнь нестерпимый, отцев Бога благословеннаго.
Песнь 8
Ирмос: Чуда преестественнаго росодательная изобрази пещь образ, не бо яже прият палит юныя, яко ниже огнь Божества Девы, в Нюже вниде утробу. Тем, воспевающе, воспоем: да благословит тварь вся Господа и превозносит во вся веки.
Слава Тебе, Боже наш, слава Тебе.
Святый Душе, происходяй от Бога, святость всем подаждь в Тя верующим, Свят бо и подателен человеком святости Ты еси. Тем, воспевающе, воспоем: да благословит тварь всякая Господа и превозносит во вся веки.
Слава Тебе, Боже наш, слава Тебе.
Даеши подательне, яко Благодетель, дар благости, Тебе поющим, Утешителю: благих бо подателен еси и благости пучина. Тем, воспевающе, воспоем: да благословит тварь всякая Господа и превозносит во вся веки.
Слава Отцу и Сыну и Святому Духу.
Господь Животворящь есть Дух, Самодвижимь, Самовластен, разделяя, якоже хощет, даров раздаяния, Самовладычен, Самоповелителен, Безначален. Тем, воспевающе, воспоим: да благословит тварь всякая Господа и превозносит во вся веки.
И ныне и присно и во веки веков. Аминь.
Богородичен: Ко Твоему премножеству благоутробия не дивится, Безначальне Слове? Нас бо ради обнищал еси, богат сый, и во чреве Девы Святыя вселился еси. Тем, воспевающе, воспоим: да благословит тварь всякая Господа и превозносит во вся веки.
Песнь 9
Ирмос: Радуйся, девственная похвало, радуйся, Мати Пречистая, Юже вся тварь Божественными песньми величаем.
Слава Тебе, Боже наш, слава Тебе.
Се к нам Утешителя иного низпослал еси, единосущна Тебе, Слове, и Отцу Твоему сопрестольна.
Слава Тебе, Боже наш, слава Тебе.
Спаси от искушения, Утешителю, Бога мудрствующия Тя и словословящия Твое превечное бытие.
Слава Отцу и Сыну и Святому Духу.
Прииди к нам, Утешителю, Твоего утешения исполняяй, славою Твоею неизреченною благословящия.
И ныне и присно и во веки веков. Аминь.
Богородичен: Невесто Божия Всенепорочная, славословящия Тя и чтущия достойно избави от искушений молитвами Твоими.
КАНОН БОЖЕСТВЕННОМУ И ПОКЛОНЯЕМОМУ ПРЕСВЯТОМУ ДУХУ ПАРАКЛИТУ
Творение преподобного Максима Грека
Песнь 1
Ирмос: Боже́ственным покрове́н/ медленноязы́чный мра́ком,/ извити́йствова Богопи́санный зако́н:/ ти́ну бо оттря́с очесе́ у́мнаго,/ ви́дит Су́щаго/ и науча́ется Ду́ха ра́зуму,/ хваля́ Боже́ственными пе́сньми.
Припев: Сла́ва Тебе́, Бо́же наш, сла́ва Тебе́.
И́же ма́нною препита́вый Изра́иля в пусты́ни дре́вле, / и ду́шу мою́, Влады́ко, Ду́ха напо́лни Всесвята́го,/ я́ко да о Нем богоуго́дно служу́ Ти вы́ну.
Сла́ва Тебе́, Бо́же наш, сла́ва Тебе́.
Со Безпло́тными Твои́ми слу́гами, сме́я, припева́ю Ти и аз,/ земля́ сый и пе́пел,/ трисвята́го гла́са пе́ние,/ Тро́ице тая́жде и Еди́нице Преблага́я.
Сла́ва Тебе́, Бо́же наш, сла́ва Тебе́.
Всегда́ бу́рями губи́тельных страсте́й и духо́в возмуща́емь душе́ю, / Тебе́, Всеблаже́нному Паракли́ту,/ я́же о мое́м спасе́нии я́ко Бо́гу возлага́ю.
Сла́ва Тебе́, Бо́же наш, сла́ва Тебе́.
Нестрое́нием вся́ческих беззако́нных по́мыслов омрача́емь лю́те,/ губи́тельного сего́, молю́ Тя, изба́вити мя изво́ли неду́га.
Сла́ва Тебе́, Бо́же наш, сла́ва Тебе́.
Глубино́ю неразу́мия и лю́таго нераде́ния дрема́нием потопля́емь бе́дне,/ к Тебе́, Всепречи́стому, вопию́:/ душе́вныя сея́ тли изба́ви мя.
Слава: Во чре́ве заче́нши де́вственнем,/ Его́же из чре́ва пре́жде век Оте́ц роди́,/ чре́вными сладостра́стии порабоще́нна,/ Твое́ю кре́пкою свободи́ мя си́лою.
И ныне: Земля́ Ты еди́на свя́та вои́стину,/ я́ко ро́ждшая всех Боже́ственный Живо́т;/ зе́млю плодоно́сну ду́шу мою́ Твоему́ Сы́ну покажи́, Богоро́дице.
Песнь 3
Ирмос: Разве́рзе утро́бы неча́дствовавшия у́зы,/ доса́ду же неудоботерпи́му благоча́дствующия,/ еди́на моли́тва проро́чицы дре́вле А́нны,/ нося́щая дух сокруше́н,/ к Си́льному и Бо́гу ра́зумов.
Сла́ва Тебе́, Бо́же наш, сла́ва Тебе́.
Бла́гости Твоея́, Свята́я Тро́ице, позна́ние ве́лие есть,/ обновле́ние созда́ннаго по Твоему́ Боже́ственному о́бразу,/ Его́же, воплоще́нием преди́вным из Тебе́ па́че сло́ва,/ Себе́ жили́ще Боже́ственное показа́ла еси́.
Сла́ва Тебе́, Бо́же наш, сла́ва Тебе́.
Дарова́нии Твои́ми святы́ми и по́мыслы священноле́пнаго благогове́инства, Влады́ко,/ ум мой украси́,/ я́ко да в тишине́ души́ и святоле́пном устрое́нии/ пою́ и прославля́ю Тя, Боже́ственный Паракли́те.
Сла́ва Тебе́, Бо́же наш, сла́ва Тебе́.
Та́йная плотска́я движе́ния,/ от го́рдостныя стра́сти во мне ражда́емая/ и прескве́рне оскверня́ющая окая́нную ду́шу мою́,/ отню́д истреби́ от ся, Влады́ко, молю́тися.
Сла́ва Тебе́, Бо́же наш, сла́ва Тебе́.
Брозда́ми и уздо́ю Боже́ственнаго стра́ха, Влады́ко,/ безсту́дныя души́ моея́ встягни́ устремле́ния,/ я́ко да зе́льным благогове́инством и тре́звенною мы́слию/ пою́ Тя и сла́влю, Боже́ственный Уте́шителю.
Сла́ва Тебе́, Бо́же наш, сла́ва Тебе́.
Мно́гими блуже́нии растли́вся коне́чне,/ к Тебе́, Пресветле́йшему Со́лнцу, ве́рою притека́ю:/ Боже́ственным твои́м све́том душе́вныя ми о́чи просвети́ти изво́ли,/ Боже́ственный Паракли́те.
Слава: Живота́ всех а́ки Пита́тельница, Влады́чице,/ умерщвле́нную мою́ ду́шу скве́рными страстьми́ оживотвори́ти, Чи́стая,/ Боже́ственным Твои́м посеще́нием изво́ли.
И ныне: Животво́рных повеле́ний Твоего́ Сы́на, Пречи́стая,/ приле́жна и спе́шна де́лателя покажи́ мя,/ лю́тое разлене́ние и глубо́кое дрема́ние от души́ моея́ отню́д истреби́вши.
Таже глаголи стихи сия:
Спаси́ от бед раба́ Твоего́, Уте́шителю Благи́й,/ я́ко зело́ и безпреста́нно напада́ют на мя нечи́стии бе́сове/ по́мыслы и мечта́нии скве́рными.
При́зри Благоутро́бием, Всепе́тая Богоро́дице,/ на жесто́кое се́рдца моего́ окамене́ние/ и просвети́ тьму души́ моея́.
Кондак, глас 2
Всех Живота́, Исто́чника приснотеку́щаго Боже́ственных даро́в,/ Ду́ха Всесвята́го,/ я́ко Отцу́ Единосу́щна/ и Сы́ну Соприсносу́щна,/ в пе́снех благове́рно воспои́м и велича́им/ и я́ко Бо́гу ве́рою поклони́мся.
Покланя́юся Тебе́, Влады́ко Уте́шителю Бо́же:/ поми́луй и спаси́ покланя́ющияся Тебе́/ и Бо́га испове́дающия Тя.
Песнь 4
Ирмос: Царю́ царе́й,/ Яковы́й Якова́го,/ Еди́н, Сло́ве, произше́дый/ от Отца́ Безвино́внаго, Равномо́щнаго Твоего́ Ду́ха/ апо́столом и́стинно посла́л еси́/ я́ко Благоде́теля, пою́щим:/ сла́ва держа́ве Твое́й, Го́споди.
Сла́ва Тебе́, Бо́же наш, сла́ва Тебе́.
Услы́шати сподо́би мя, Го́споди, тогда́ многожела́емое зва́ние Твое́,/ в неве́стник Небе́сный созыва́ющее всех преподо́бных Твои́х.
Сла́ва Тебе́, Бо́же наш, сла́ва Тебе́.
Осужде́на челове́ка злонача́льника прельще́нием/ взыска́ла и спасла́ еси́, Тро́ице Свята́я, и просла́вила еси́ его́;/ и мое́, изнемо́гшее печа́лию се́рдце свы́ше кре́постию Твое́ю утверди́/ и возбуди́ мы́сли моя́.
Сла́ва Тебе́, Бо́же наш, сла́ва Тебе́.
Боже́ственным стра́хом пригвозди́ окая́нныя моея́ пло́ти мудрова́ние/ и па́мятию бу́дущих муче́ний ду́шу устраши́.
Сла́ва Тебе́, Бо́же наш, сла́ва Тебе́.
Дерзнове́ние Боже́ственно пода́ждь ми,/ водруже́нную грехо́м во мне ху́дость истреби́в,/ и Твое́ю просвети́ мя благода́тию.
Богоро́дице Всепе́тая,/ смире́нную Боже́ственным дарова́нием обогати́ ду́шу мою́,/ высоту́ смири́вши велича́ния.
Слава: Свяще́нное жили́ще Твоего́ Сы́на, Богоро́дице,/ покажи́ ду́шу мою́,/ безчи́сленныя ея́ скве́рны отгна́вши.
И ныне: Кре́пце погиба́ема нестрое́нием душе́вным, Всепе́тая,/ моли́твами Твои́ми утверди́ мя в Боже́ственном стра́се и любви́.
Песнь 5
Ирмос: Реши́тельное очище́ние грехо́в,/ огнедохнове́нную приими́те Ду́ха ро́су,/ о ча́да светообра́зная церко́вная!/ Ны́не от Сио́на бо изы́де Зако́н,/ языкоогнеобра́зная Ду́ха благода́ть.
Сла́ва Тебе́, Бо́же наш, сла́ва Тебе́.
Напра́ви живо́т мой, Прису́щественная Тро́ице,/ к Твои́м спаси́тельным за́поведем/ и све́том Твои́м ду́шу мою́ просвети́, молю́тися.
Сла́ва Тебе́, Бо́же наш, сла́ва Тебе́.
Обдержи́ма су́ща плени́цами лю́тых прегреше́ний,/ реши́ти мя от сих благоволи́, Преблаги́й,/ и целому́дрия любо́вию Боже́ственною воспери́ мя.
Сла́ва Тебе́, Бо́же наш, сла́ва Тебе́.
Освети́ Твое́ю Боже́ственною благода́тию, Паракли́те,/ страстьми́ омраче́нную ду́шу мою́/ и глубо́кую неразу́мия тьму от нея́ иждени́.
Сла́ва Тебе́, Бо́же наш, сла́ва Тебе́.
Зело́ безбоя́зненно по вся дни прогневля́ю Тя/ де́лы же и словесы́ скве́рными, Преблаги́й,/ но молю́ Тя:/ нече́стия сего́ изба́ви мя.
Слава: Еди́на ро́ждшая вся́кия прему́дрости Исто́чника,/ преступле́нием Боже́ственных за́поведей/ объюро́девшую ду́шу мою́ отню́д вразуми́, Всепе́тая.
И ныне: Истреби́, Чи́стая, от души́ моея́/ стужа́ющия ми безпреста́нно злы́я по́мыслы/ и Богоуго́дными обогати́ мя поуче́нии.
Песнь 6
Ирмос: Очище́ние нам, Христе́,/ и спасе́ние, Влады́ко, возсия́л еси́ от Де́вы,/ да, я́ко проро́ка от зве́ря морска́го пе́рсей Ио́ну,/ от тли исхити́ши/ всего́ Ада́ма всеро́дна па́дшаго.
Сла́ва Тебе́, Бо́же наш, сла́ва Тебе́.
Страстьми́ го́рькими плотски́ми огорче́н быв окая́нною душе́ю мое́ю/ и в тех, а́ки в после́дних бе́зднах, вы́ну, Спа́се мой, потопля́емь, Тебе́ молю́ся:/ струя́ми Живода́тельнаго, и́же у Тебе́, Исто́чника, оживи́ мя.
Сла́ва Тебе́, Бо́же наш, сла́ва Тебе́.
Вели́каго вои́стину молча́ния досто́йна суть вся Твоя́ та́инства:/ трили́цствуеши бо во Еди́ном Существе́/ и соединяе́ма, пребыва́еши несме́сна./ Но, Безнача́льная Тро́ице,/ Твои́х рук бре́нное созда́ние спаси́ мя.
Сла́ва Тебе́, Бо́же наш, сла́ва Тебе́.
Весь цел Сын, ве́руем, есть во Отце́ суще́ственне и Дух:/ от Него́ бо, а́ки от Еди́наго Нача́ла, соприсносу́щне О́ба сия́ют/ и пребыва́ют о Себе́ в Живонача́льных Испоста́сех Свои́х.
Сла́ва Тебе́, Бо́же наш, сла́ва Тебе́.
Ю́ности гну́сными стрека́нии/ на мя вооружи́вся скве́рный вся́ким о́бразом,/ те́ми ду́шу мою́ и живо́т весь оскверни́л есть,/ но, Паракли́те Преблаги́й,/ плода́ми покая́ния исцели́ мя.
Сла́ва Тебе́, Бо́же наш, сла́ва Тебе́.
В напа́сти лю́тыя по уму́ падо́х,/ и недоуме́нием содержи́мь есмь всю́ду,/ и в беды́ разли́чныя впада́ю,/ и я́коже ладия́ в морско́м волне́нии, обурева́емь есмь,/ но, Преблаги́й Уте́шителю,/ лю́таго сего́ обурева́ния, молю́ Тя, ско́ро исхити́ мя.
Слава: Паде́нием лю́тым падо́х,/ преступи́в к Твоему́ Сы́ну обе́ты моя́,/ но, я́ко исто́чника щедро́т и благоутро́бия су́щую пучи́ну,/ Всенепоро́чная, молю́ Тя:/ ми́лостива сотвори́ ми Его́.
И ныне: Губи́тельные на мя наве́ты/ неви́димых враго́в мои́х, Де́во, изгоня́й всегда́ от души́ моея́/ непобеди́мою и Боже́ственною си́лою Твое́ю/ и даждь ми на них всеору́жие духо́вное и ра́зум.
Таже глаголи стихи сия:
Спаси́ от бед раба́ Твоего́, Уте́шителю Благи́й,/ я́ко зело́ и безпреста́нно напада́ют на мя нечи́стии бе́сове/ по́мыслы и мечта́нии скве́рными.
При́зри Благоутро́бием, Всепе́тая Богоро́дице,/ на жесто́кое се́рдца моего́ окамене́ние/ и просвети́ тьму души́ моея́.
Кондак, глас 2
Всех Животе́, Све́те и Утеше́ние,/ Наде́ждо и Наслажде́ние, Всесвяты́й Ду́ше,/ Бо́га Тя зна́ющих, Отцу́ и Сы́ну Сопресто́льна,/ даро́в Твои́х сподо́би/ и грехо́в отпуще́ние да́руй им.
Песнь 7
Ирмос: Согла́сная возшуме́ орга́нская песнь/ почита́ти златосотворе́нный безду́шный истука́н;/ Уте́шителева же светоно́сная благода́ть почеству́ет,/ е́же вопи́ти:/ Тро́ице Еди́ная, Равноси́льная, Безнача́льная, благослове́на еси́.
Сла́ва Тебе́, Бо́же наш, сла́ва Тебе́.
Вся́кия зло́бы и ху́дости нра́вов свободи́в мя, Спа́се,/ дарова́нии всесвяты́ми Боже́ственнаго Паракли́та обогати́ мя, пою́ща:/ отце́в Бо́же, благослове́н еси́.
Сла́ва Тебе́, Бо́же наш, сла́ва Тебе́.
Вся́каго желе́за и ка́мене жесточа́йшее се́рдце мое́ умягчи́, Спа́се,/ да и́стинным умиле́нием возопию́, спаса́емь:/ отце́в Бо́же, благослове́н еси́.
Сла́ва Тебе́, Бо́же наш, сла́ва Тебе́.
Со Отце́м Безнача́льным Сы́на и Ду́ха Соприсносу́щна,/ во Еди́ном Существе́, и Трие́х Ли́цах, богосло́вствующе, пое́м:/ отце́в Бо́же, благослове́н еси́.
Сла́ва Тебе́, Бо́же наш, сла́ва Тебе́.
Лука́вым обы́чаем грехо́вным ра́бски побежда́емь,/ Тебе́, всех Влады́це, припа́дая, молю́ся:/ скве́рныя сея́ рабо́ты изба́ви мя.
Сла́ва Тебе́, Бо́же наш, сла́ва Тебе́.
Кре́пкою си́лою Твое́ю/ грехо́м изнемо́гшую ду́шу мою́ утверди́ти благоволи́,/ да воззову́, спаса́емь:/ отце́в Бо́же, благослове́н еси́.
Слава: Ра́зумом Боже́ственным и те́плым покая́нием, Богоблагода́тная,/ ум мой и ду́шу, лю́те грехо́м помраче́нную,/ просвети́ти изво́ли, да пою́ Ти со Арха́нгелом:/ ра́дуйся, Влады́чице.
И ныне: Пло́ти моея́ беззако́нная и пристра́стная движе́ния, Богороди́тельнице,/ умертви́вши коне́чне,/ благода́ть Паракли́тову в души́ мое́й насади́,/ да святоле́пне Тя, Пресвяту́ю, прославля́ю всегда́.
Песнь 8
Ирмос: Разреша́ет у́зы и ороша́ет пла́мень/ трисве́тлый Богонача́лия о́браз, пою́т о́троцы,/ благослови́т же еди́наго Спа́са и Вседе́теля,/ я́ко Благоде́теля,/ сотворе́нная вся́ческая тварь.
Сла́ва Тебе́, Бо́же наш, сла́ва Тебе́.
Губи́тельнаго разжже́ния беззако́нных помысло́в разреши́ мя, Иису́се мой,/ да чи́стым се́рдцем сла́влю Тя.
Сла́ва Тебе́, Бо́же наш, сла́ва Тебе́.
Со Безпло́тными слу́гами Твои́ми/ Высоча́йшую и Вседе́тельную Тро́ицу пое́м Тя/ и превозно́сим, пе́рстнии раби́ Твои́.
Сла́ва Тебе́, Бо́же наш, сла́ва Тебе́.
Губи́тельныя нахо́ды враго́в мои́х неви́димых изгоня́я от души́ моея́,/ благода́ть Твою́ всели́ти в ней, Паракли́те, изво́ли.
Сла́ва Тебе́, Бо́же наш, сла́ва Тебе́.
Проше́ния, и́хже у Тебе́ прошу́ моли́твою,/ соверша́ти бо́дренно де́лом, и стра́хом,/ и любо́вию сподо́би мя, Уте́шителю.
Сла́ва Тебе́, Бо́же наш, сла́ва Тебе́.
Па́че блудни́цы и Иса́ва беззако́новав,/ к Твои́м щедро́там прибега́ю:/ не отри́ни мене́ от благода́ти Твоея́, Паракли́те Пресвяты́й.
Благослови́м Отца́ и Сы́на, и Свята́го Ду́ха, Го́спода.
Слава: Грехолюби́в зело́ па́че всех челове́к сый, Всепе́тая,/ К Тебе́ прибега́ю:/ спаси́ мя, недосто́йнаго раба́ Твоего́.
И ныне: Любому́дрия и́стины Боже́ственнаго рачи́теля покажи́ мя, Всепе́тая,/ стра́хом и любо́вию направля́ющи мя.
Песнь 9
Ирмос: Ра́дуйся, Цари́це,/ матероде́вственная Сла́во,/ вся́ка бо удобообраща́тельная благоглаго́ливая уста́/ вити́йствовати не мо́гут,/ Тебе́ пе́ти досто́йно,/ изумева́ет же ум всяк Твое́ рождество́ разуме́ти,/ Те́мже Тя согла́сно сла́вим.
Сла́ва Тебе́, Бо́же наш, сла́ва Тебе́.
Спа́се мой, просвеще́ние и Защи́тниче,/ от Твоея́ Боже́ственныя ра́дости не отри́ни мене́/ Пречи́стыя Твоея́ Ма́тере моли́твами святы́ми.
Сла́ва Тебе́, Бо́же наш, сла́ва Тебе́.
С Го́рними Си́лами и аз, со стра́хом ниц пад,/ покланя́ютися, пе́рстный, и любо́вию вопию́ Ти:/ Тро́ице Всесвята́я, сла́ва Тебе́.
Сла́ва Тебе́, Бо́же наш, сла́ва Тебе́.
Спаси́ мя, пою́щаго, покланя́ющагося и славосло́вящаго/ держа́ву непристу́пныя сла́вы Твоея́.
Сла́ва Тебе́, Бо́же наш, сла́ва Тебе́.
Бла́гости нра́вов, и наказа́нию зако́на,/ и ра́зуму Боже́ственных догма́т научи́ мя,/ да богоуго́дно пою́ Тя, Боже́ственный Паракли́те.
Сла́ва Тебе́, Бо́же наш, сла́ва Тебе́.
Всех пра́ведных и благоугоди́вших Ти/ сподо́битися изво́ли ра́достнаго пра́здника,/ да вку́пе с ни́ми пою́ Тя, Пресвяты́й Уте́шителю.
Сла́ва Тебе́, Бо́же наш, сла́ва Тебе́.
Души́ моея́ страхова́ние, и разли́чныя зло́бы,/ и всю ея́ истреби́в ху́дость,/ доброде́телей венце́м украси́ ю́, Святы́й Паракли́те.
Слава: О Всенепоро́чная Де́во,/ растли́вшуюся вся́ческими блуже́нии окая́нную ду́шу мою́/ Твои́ми святы́ми моли́твами исцели́.
И ныне: О Боже́ственная Хода́таице Бо́гу и челове́ком,/ худу́ю сию́ моли́тву мою́/ Боже́ственному Паракли́ту принеси́, молю́ Тя, Всесвята́я Богоро́дице.
Таже глаголи стихи сия:
Спаси́ от бед раба́ Твоего́, Уте́шителю Благи́й,/ я́ко зело́ и безпреста́нно напада́ют на мя нечи́стии бе́сове/ по́мыслы и мечта́нии скве́рными.
При́зри Благоутро́бием, Всепе́тая Богоро́дице,/ на жесто́кое се́рдца моего́ окамене́ние/ и просвети́ тьму души́ моея́.
И тропари сия:
Досто́йно есть вои́стину велича́ти Тя, Бо́га Сло́ва,/ Его́же трепе́щут и ужаса́ются Херуви́ми/ и славосло́вят Си́лы Небе́сныя,/ от Де́вы непрело́жно вопло́щшагося/ Христа́, Жизнода́вца и Го́спода.
Досто́йно есть вои́стину превозноси́ти Тя славосло́вии, Всепреблага́го,/ и Всепресвята́го, и Храни́теля жи́зни на́шея,/ со Отце́м и Сы́ном богонача́льно ца́рствующаго ви́димыми и неви́димыми,/ от Отца́ еди́наго исходя́щаго Бо́жия Ду́ха,/ вели́ка же и стра́шна, со стра́хом сла́вити.
Слава: Пое́м Тя все боголе́пно пе́нии Боже́ственными,/ Отца́ и Сы́на и Ду́ха Боже́ственнаго,/ Трисоста́вную Держа́ву,/ Еди́но Ца́рство и Госпо́дство.
И ныне: Влады́чице, Ма́ти Изба́вителя,/ приими́ моли́твы Твои́х непотре́бных раб,/ и́мже возда́ждь избавле́ние грехо́в/ и богоуго́дныя жи́зни прия́тное исправле́ние.
Молитва ко Пресвятому Духу
Приими́, Влады́ко, Преблаги́й Паракли́те, Еди́н Сый Святы́я и Покланя́емыя Единосу́щныя же и Нераздели́мыя Тро́ицы, худо́е сие́ моле́ние, ему́же благоволи́л еси́ приноси́му быва́ти Тебе́ от челове́ка гре́шнаго и осужде́ннаго, и прости́ ми согреше́ния моя́, во́льныя и нево́льная, от та́йных мои́х очи́сти мя и от чужди́х пощади́ раба́ Твоего́. Благоволи́ о мне, гре́шнем и непотре́бнем, и не́мощи души́ моея́ посети́ благода́тию Твое́ю и исцели́ сокруше́ние ея́.
Поми́луй мя, Влады́ко, Паракли́те, Бо́же, поми́луй мя, освяти́ мою́ ду́шу и те́ло, просвети́ ми ум и ра́зум, очи́сти со́весть душе́вную от вся́кия скве́рны, нечи́стых по́мыслов, умышле́ний лука́вых и разуме́ний ху́льных и от вся́каго превозноше́ния, го́рдости же и киче́ния, высокоу́мия же и де́рзости, и сатани́нскаго шата́ния, и от вся́каго фарисе́йскаго лицеме́рия и презо́рства, и от вся́каго сту́днаго и лука́ваго обы́чая моего́ изба́ви мя до конца́, сла́вы ра́ди и́мене Твоего́, и да́руй ми и́скреннее покая́ние, сокруше́ние се́рдца моего́ и смиренному́дрие, кро́тость же и ти́хость и вся́кое христиа́нское благогове́инство, ра́зум же и худо́жество духо́вное, со вся́ким благоразу́мием, благодаре́нием и терпе́нием соверше́нным.
Ей, Бо́же, сла́вы ра́ди и́мене Твоего́ услы́ши мя, гре́шнаго, моля́щагося Тебе́, и сподо́би мя в про́чее вре́мя окая́нныя жи́зни моея́ ка́ятися и́скренне мои́х беззако́ний, со вся́ким смиренному́дрием, целому́дрием же и воздержа́нием и́стинным, отступи́вшу мне вся́каго сомне́ния, двоеду́шия и нечу́вствия, и соблюди́ мя, Влады́ко, во вся́ком благочести́вом и правосла́вном испове́дании ве́ры христиа́нския, да сподо́блюся во вся дни живота́ моего́ без сомне́ния пе́ти Тя, благослови́ти, славосло́вити и глаго́лати: Святы́й Бо́же, О́тче Безнача́льный; Святы́й Кре́пкий, Сы́не Его́ Собезнача́льный; Святы́й Безсме́ртный, Ду́ше Святы́й, от Отца́ исходя́й и в Сы́не пребыва́яй и почива́яй; Тро́ице Всесвята́я, сла́ва Тебе́. Сла́ва Тебе́, Свята́я Тро́ице Единосу́щная, Животворя́щая и Нераздели́мая, всех ра́ди сла́ва Тебе́.
Сла́ва Тебе́, Ма́ти Бо́жия, ве́рных прибе́жище, и избавле́ние в лю́тых содержи́мым, и души́ моея́ Боже́ственное утеше́ние; всеокая́нную ду́шу мою́, о Богоблагода́тная, уя́звленную стреля́нии ра́тника, Твоему́ всеси́льному предста́тельству поруча́ю, ю́же соблюда́й, покрыва́й и спаса́й от бесо́вских ко́зней невреди́му, да вопию́ Ти: ра́дуйся, Неве́сто Неневе́стная.
Фильтр
загрузка
Показать ещёДополнительная колонка
О группе
ВО СЛАВУ БОЖЬЮ!
Молитвенно благодарим всех, кто подписался и активно участвует в жизни нашей группы!
http://ok.ru/slavaboguz
Скрыть информацию
Фото из альбомов
Правая колонка