Cəlilov
Bircə şeyi sən anla
Mənimsən ki, mənimsən
Bitsə də sonu qanla
Mənimsən ki, mənimsən
Sara Xatun
Niyə səni aldadım
Özgəninəm, özgənin
Özgəyə kəbin adım
Özgəninəm, özgənin
V. Cəlilov
İstəyirsən tök qanı
Qəsd eyləyib al canı
Dağıdaram hər yanı
Mənimsən ki, mənimsən
Sara Xatun
İstəmə ki, solum mən
Baş gözümü yolum mən
Anla qurban olum mən
Özgəninəm, özgənin
V. Cəlilov
Dilə mənə ölümdən
Sürt üzünə külümdən
Yenə verməm əlimdən
Mənimsən ki, mənimsən
Sara Xatun
İstəmərəm öləsən
İstəyərəm güləsən
Yenə deyim biləsən
Özgəninəm, özgənin
V. Cəlilov
Lap göydə ol ya yerdə
Deyim anla, sən birdə
İstəyirsən ol ərdə
Mənimsən ki, mənimsən
Sara Xatun
Göydə deyil, yerdəyəm
Günah, qəlbinə dəyəm
İnan mənə, ərdəyəm
Özgəninəm, özgənin
V. Cəlilov
Allah səni güldüsün
Mən yazığı öldüsün
Gorum sənə bildisin
Mənimsən ki, mənimsən
Sara Xatun
Rişxənd edib gülmə sən
Qoy mən ölüm, ölmə sən
Anla bircə kəlmə sən
Özgəninəm, özgənin
V. Cəlilov
Lap gələ göydən bəla
Addım atmaram dala
İki dünya bir ola
Mənimsən ki, mənimsən
Sara Xatun
İki dünya bir deyil
Varsa bizim yer deyil
Gizli deyil, sirr deyil
Özgəninəm, özgənin
V. Cəlilov
Vəliyə olma qənim
Ayrıl gəl ol sən tənim
Torpağınsan, ya mənim
Mənimsən ki, mənimsən
Sara Xatun
Sara heç vaxt tovlanmaz
Tora düşüb ovlanmaz
Məndən sənə yar olmaz
Özgəninəm, özgənin
Присоединяйтесь — мы покажем вам много интересного
Присоединяйтесь к ОК, чтобы подписаться на группу и комментировать публикации.
Нет комментариев