«Унинг «МЮ»даги ишлари жойида бўлади»

Бразилиялик собиқ футболчи Ривалдо ўз
ватандоши Фред Родригеснинг «Шахтёр»дан
«Манчестер Юнайтед»га ўтишига муносабат
билдирди.
«Фред — ажойиб футболчи. Ҳар бир футболчи
билан бўлгани сингари у ҳам Англияга
мослашиши учун бироз вақт керак бўлади.
Фред барчасини уддалайди. Унинг „МЮ“даги
ишлари жойида бўлади, клуб учун ҳам у мос
футболчи», — дея Ривалдонинг сўзларини
келтирган Sky Sports.
Якунланган мавсумда Фред «Шахтёр» сафида
37 ўйинда майдонга тушди ва 4 гол уриб, 7
голга узатма берди. У Бразилия терма
жамоаси билан 2018 йилги жаҳон
чемпионатида иштирок этади. Манчестер
клуби уни 60 миллион еврога трансфер
қилмоқда.