Беркиниб бўлмайди, кўзимдан қочиб,

Кўзларим кулмайди, сўзимдан қочиб,
Қайга ҳам борардим узимдан қочиб?
Ёлғизим мен сизни соғинганим рост,
Сабримнинг туғони бузилди бугун,
Хижроннинг фиғони чўзилди бугун,
Ғурурим жонимдан узилди бугун,
Ёлғизим мен сизни соғинганим рост,
Ёнаман, куксимга осилган қуёш,
Шеърларим лавхига сочилган қуёш,
Бугунги хатимнинг безаги кўз ёш,
Ёлғизим мен сизни соғинганим рост,
Йиллардан сўрасам, қайтармас вақтим,
Ёлғончи ҳисларга берганман нақтим,
Сизни бахт дейму ё, юқотган бахтим?
Ёлғизим мен сизни соғинганим рост,
Ёмғирлар беркитар юзимдан ашким,
Томчилаб тугашга шайланар ишқим,
Наҳотки билмайсиз кўзимдан рашким?
Ёлғизим мен сизни соғинганим рост,
Севгидан қолгани ʺОҳʺ экан нетай?
Ёлғоннинг қазгани ʺЧоҳʺ экан нетай?
Соғинч бу: кўнгилга ʺШоҳʺ экан нетай?
Ёлғизим мен сизни соғинганим рост.
Паймонам аламга тўлиб қолмасдан,
Тупроққа парвона бўлиб қолмасдан,
Бир келинг, бир кўрай, ўлиб қолмасдан!
Ёлғизим мен сизни соғинганим рост..