Аста бориб, ёнингизда булсайдим,

Самоларга термулсайдим Сиз билан.
Юлдузларнинг нурларида ўшал дам
Ҳурлар каби чўмилсайдим Сиз билан..
Бир япроқнинг умри қадар қисматим.
Қисматимдан гоҳ бир маъни изладим..
Қай бир лаҳза орзу қилдим, истадим –
Хазон.. бўлиб тўкилсайдим Сиз билан.
Истасангиз тўкилади кўкдан нур,
Истасангиз шабнам қотар мисли дур.
Нуру дурдек ишқ кўрмаган такаббур..
Қароқларга ёғилсайдим Сиз билан...
Чўмилсам-у.. тўкилсам-у.. ёғилсам..
Кўзингиздан Мен ўзимни ўқисам.
Ёнингизда туриб Сизни Соғинсам,
Соғинчларга кўмилсайдим Сиз билан..