Самы жудасны экспанат Гальшанскага замка‼️

Многія турысты імкнуцца наведаць экспазіцыю Гальшанскага замка, ці наблізіцца руін, каб адчуць подых містыкі дакрануцца да таямніц гісторыі. Між іншым, самы жудасны экспанат знаходзіцца наўпрост каля вежы.
Круглы камень з чашападобным паглыбленнем адносіцца да тыпу культавых камянёў, якія знаходзяць на тэрыторыі Беларусі, Літвы і Латвіі. Гальшанскі валун быў знойдзены ў 2010-х гадах на тэрыторыі замка, але мае больш старажытную гісторыю.
Археолагі датуюць валун XIV стагоддзем і звязваюць яго з балцкім могільнікам, які быў выпадкова адкрыты ў 1892 годзе падчас высадкі дрэў ў паўночнай частцы замка.
Камень - жа гэта ахвярнік, на якім прыносіліся ў ахвяру свойскія і дзікія жывёлы, побач з каменем гарэла вогнішча, на якім забітыя жывёлы спальваліся.
Падобны камень знойдзены на тэрыторыі Гальшанскага селішча, дзе на ахвярнай пляцоўцы разам з валуном былі адкрыты абпаленыя рэшткі посуду і косці жывёл.
Пісьмовыя крыніцы XVII -XVIII стагоддзяў паведамляюць, што ў сядзібах на тэрыторыі сучаснай Літвы знаходзіліся культавыя камяні, на якіх прыносілі ахвяраванні.
Часам такія валуны называлі "багіня" (Deyues). Лічылася, што ў іх жыве боства - апякун дабрабыту, хатняй жывёлы і ўраджаю...
Вось так звычайны валун аказаўся помнікам сакральнай культуры балцкага насельніцтва.
Геаграфічныя каардынаты (Google карты): 54.251738,26.020440
Тэкст @oszmiana_museum
Фотазамалёўкі ад @visit_oshmyany
#гальшаны #гальшанскізамак #гольшаны #гольшанскийзамок #holszanycastle