18 кастрычніка 2025 года ў вёсцы Жытомля Гродзенскага раёна адбылося СВЯТА ВЁСКІ, прысвечанае 485 - годдзю яе заснавання.

Мерапрыемства атрымалася даволі маштабным, цёплым і сардэчным, на яго адгукнуліся як мясцовая ўлада на чале са старшынёй Верцялішкаўскага сельвыканкама Сіняковым Сяргеям Віктаравічам, так і мясцовае насельніцтва на чале са святаром жытамлянскага праваслаўнага прыхода.
Аддзел культуры Гродзенскага райвыканкама таксама не застаўся ў баку ад нашага свята, дапамога адчувалася з усіх бакоў.
Асвячала наша мерапрыемства самы дасведчаны, дэталёвы і талковы журналіст "Перспектывы" Інга Ласмане.
Галоўным завадатарам і рэжысёрам свята была работнік культуры Жытамлянскага дома фальклора Алена Лашчэўская, а мясцовым навуковым кансультантам і арганізатарам выставы пра вёску была жытамлянскі бібліятэкар Лілія Размысла.
Выступалі на свяце таксама жытамлянскія "Васілёчкі"," Матуліна песня", Віктар Саковіч і эстрадныя артысты з Луцкаўлянаў, Верцялішак, Квасоўкі, а народны майстар Беларусі па саломапляценню з Гожы арганізавала сваю чароўную выставу і праводзіла майстар-клас для жытамлянцаў... Быў поп-корн, цацкі і вядома ж дыскатэка.
Хацелася б сказаць:"ВЯЛІКІ ДЗЯКУЙ арганізатарам і ўсім добрым людзям, якія далучыліся словам і справаю да Жытамлянскай культурнай, юбілейнай імпрэзы. Божай ласкі усім!