Предыдущая публикация
*******КУЗ ХОТИРАЛАРИ*******
Юрагим ўйнайди хазонрез пайти,
Буғзимга нафасим тиқилиб қолар.
Юрган йўлларимни ҳеч ким билмайди
Қадди қоматларим букилиб борар.
Кузнинг хазонлари ўйнаган чоғда,
Эслайман ортингдан боқиб қолганим.
Ширин хотиралар қолган чор боғда,
Чакканга жамалак тақиб қўйганим.
Йиллар ҳам коптокдек ғилдираб ўтди,
Ёмғирлар кўл бўлди , боғлар чўл бўлди.
Момақалдироқлар гумбурлаб кетди,
Чақмоқлар ўрмонни ёқиб кул қилди.
Бизнинг қадамжойлар ўзгариб кетган ,
Йўлаклар ўзгача, ўриндиқ ўзга,
Сен кетган йўлакни кўмиб ташлаган,
Таҳсинлар ўқийман сариқранг кузга
Мана майин ёмғир секин бошлади,
Ёмғирпуш ёпиниб келдим жимгина.
Шивирлаб япроқлар кўнглим ғашлади,
Сенинг сўзларингни эслатиб яна.
Алишер Мусулмонов.
14/09/2023/
Следующая публикация
Комментарии 24
Мана майин емгир секин бошлади,
Емгирпуриш епиниб келдим жимгина.
Шивирлаб япроклар кунглим гашлади,
Сенинг сузларингни эслатиб Яна............
Сарҳисоб қилиб қишга топширади.
Ёзда ким яхши меҳнат қилган бўлса, қишда роҳатни, аслида қаҳатни кўради.
Эътибор ва эътироф учун ташаккур
Юрагим га беради озор
Куз емгири кунглимни гашлаб
Яна менга сени эслатар
Уз узимга ичаман касам
Унутаман дейманда такрор
Мажбур килиб кадам ба кадам
Сенсиз хает чиройли минг бор
Дейман лекин узимни алдаб
Мен бохор ни согиндим дейман
Хазонрезги вактлар келганда
Осмон билан бирга йиглайман
Бахор кечир Мен кузпарастни....
Кўкламни кулдириб қуёш порлади,
Ширин нафас олди жажжи куртакча.
Қиш кўз ёш қилди кетди қорлари,
Кўз очиб қаради яшил япроқча.
Боғларни кўркисан ям яшил япроқ,
Кўклам гуркирайди сени мадҳ этиб,
Оламга жар солар момақалдироқ,
Камалак кўрк берар баҳор келди деб.
Кунлар қизийверар ойлар ҳам ўтиб,
Бир пасда баҳор ҳам айланар ёзга.
Қуёшнинг тафтини ўзига ютиб,
Хизмат учун япроқ шайланар бизга.
Сойлар шилдирайди майин куй чалиб,
Рақсида ҳамоҳанг ўйнайди япроқ.
Ёз кузга кетмоқда ўрнин қолдириб,
Кўксида ғам алам порлайди кўпроқ.
Ранжима тақдирнинг ёзиғидир бу,
Зафарон тус олган яшил япроқча.
Ғариб кўнгилларнинг озиғидир бу,
Чирт, узилиб тушган сариқ япроқча.
Алишер Мусулмонов.
Жуда тасирли
Сог булинг
Омад ер булсин
Рахмат. Сиз ҳам соғ бўлинг доим опажон