===== чаму так называецца =====

ВОСЕНЬ
Паняцце восені зарадзілася ў славян у старажытныя часы і было чыста феналагічным , разглядалася як пераходны перыяд ад цяпла да холаду. Ёсць версія, што ўзнікла яно ад тэрміну "асяняць", у аснове якога ляжаць словы "сень" ці "засень", якія маюць паняцці "халадок", "цень". Значэнне гэтых слоў захавалася ў нашай сучаснай мове. З мэтай, каб стварыць халадок пры хаце, нашы продкі прыбудоўвалі сені (людзі старога ўзросту помняць, што такое "сені").
Славянскае абазначэнне восені было ўведзена ў выніку адносін людзей да сезону прыроды, і не толькі да пахаладання, але і ўборкі ўраджаю: гэта адбіваецца ў шмат якіх народных прыказках, прымаўках, рытуальных песнях і абрадах.
У чэшскай мове пераходны перыяд , які наступае пасля лета і папярэднічае зіме, называецца podsim, што азначае час пад зіму. Ва ўсіх жа ўсходне- заходне- і паўднёваславянскіх мовах (і ў кірылічным варыянце, і ў лацінскім) назва пішацца аднолькава, адрозніваецца толькі фанетычна. Так, у рускай мове -- осень, у беларускай - восень, ва ўкраінскай - осінь, у польскай - jesien, у славацкай, славенскай і сербскай - jecen, у балгарскай - есен.
Падабенства назваў восені сведчыць аб узнікненні гэтага слова ў старажытны агульнаславянскі перыяд. .