Айцец Віталій урачыста прадставіў праект будучага Хрысціянскага Цэнтра УсеЛюб💙
Абмеркавалі вынікі праекта NOFAFEST і была прадстаўлена вельмі кранальная прэзентацыя мерапрыемства з водгукам ўдзельнікаў.
Знаёміліся с праектам Сямейнай майстэрні, які не так даўно з'явіўся, але колькі ўжо прынёс ажыццяўлення многіх ідэй і цеплыні для сямей.
Асаблівым чынам хацелася б падкрэсліць, як разважалі і абмяркоўвалі стан сябе як валанцёраў. Як духоўна ўзрастаць разам, з Божай дапамогай адкравыць свае таленты і з радасцю служыць.
Далей пачалася цудоўная майстэрня па ўпрыгожванні Касцёла, кавярні і дома пілігрыма. З простых матэрыялаў і фантазіі з'явіліся неверагодныя рэчы, зробленыя з цеплынёй і любоўю.
Вечарам у суботу валанцёраў чакала Імша ў заснежаным, як у цудоўнай казцы, Навагрудку. Пасля, ну зусім неверагодны сюрпрыз - Містэрыя Святой Люцыі разам с госпел хорам з Мінску. А таксама шведскі стол з незвычайнымі пачастункамі)
У нядзелю на Святой Імшы урачыста і ўтульна прынялі прысягу валанцёра як прысвячэнне свайго жыцця Езусу Хрысту праз служэнне Найсвяцейшай Панны Марыі.
Асаблівым чынам кранула сэрца словы з Пісання (Іс, 64:8): "І ўсё ж, о Гасподзь, Ты - наш Айцец; мы - гліна, а Ты - наш ганчар; усе мы - справа Тваіх рук". На гэтым Божым Слове адчыніла дзверы наша ганчарная майстэрня! Мы паспрабавалі вельмі далікатна стварыць упрыгожванні, посуд і яшчэ многа розных рэчаў, фантазія не ведала межаў!
Адно можна дадаць - тут нашае сэрца і крочым разам далей💙🤍
Присоединяйтесь к ОК, чтобы посмотреть больше фото, видео и найти новых друзей.
Нет комментариев