Чаканне калядных свят – час глыбокі і важны. Хрысціянская перадкалядная аскеза плюс шчырая малітва - і маем змястоўную падрыхтоўку. А далей? Далей святкуем! Напэўна, многія ўжо вырашылі, дзе, як і з кім будуць дзяліцца аплаткай, у якім Касцёле будуць вітаць нованароджанага Езуса. Парафія святога Казіміра ва Уселюбе шчыра запрашае 23-25 снежня на калядную сутрэчу “Ты не адзін”.
На сустрэчу запрашаем ўсіх: тых, хто вызначыўся са святкаваннем, тых, хто яшчэ ў роздуме, тых, хто хоча паслужыць іншым дарамі свайго сэрца, тых, хто ў гэты момант хоча быць атуленым ўвагай і клопатам, тых, хто не мае родных і блізкіх, з якімі можа правесці свята. Чакаем усіх, хто дзеліць з намі хрысціянскія каштоўнасці, людзей розных веравызванняў, тых, хто хоча пачуць ад Бога важныя словы: “Ты не адзін!”
Што будзе? Св. Імша ў Касцёле, Адарацыя, канферэнцыі, майстар-клас па прыгатаванню смачнай ежы, дзяленне аплаткай, вігілійная вячэра, спяванне калядных песень. А яшчэ цёплая сяброўская атмасфера, шчырыя размовы, усмешкі.
Пачатак каляднай сустрэчы
23 снежня ў 19.00,а
25 снежня – св. Імша ў 11.00, потым смачны святочны абед і ад'езд дадому!
Начлег – ва ўселюбскім доме пілігрыма.
Будзем рады правесці свята разам з вамі!
Меркаванае ахвяраванне: дарослыя - 60 рублёў,дзеці да 10 гадоў - 20 рублёў / пасля 10 гадоў - 30 рублёў.
Присоединяйтесь к ОК, чтобы посмотреть больше фото, видео и найти новых друзей.
Нет комментариев