"
Аляксандру Гарцуеву -- 60.
“Не ўсё так просто, Ганно”, – неяк Мележ
На думцы гэтай засяродзіў Эрына,
А следам і Гарцуеў планы спеліць
На “Хроніцы” вядомай і праверанай.
Артыст, выкладчык, рэжысёр вядомы –
“Залётаў”, “Хама”, “Прымакоў” Купалавых,
“Дзяцей Ванюшына”, “Раскіданага дома”,
Гнязда, то бок, і “Мэры” ўсё ж крывавае”.
І кожны штрых – нібыта яркім промнем,
Як “Люці”, “Кім”, ці “Брат Сымон” Казанцава,
А Адамовіча “Не мой”! Успомнім
Узлёт той пастаноўкі ў намінацыях –
Ажно ў пяці. І сёння шмат на сцэне
Адкрыццяў радасных – як бачыць Бог,
Ён, як заўжды, жыве на сутыкненні
Перажыванняў, часу і эпох.
Зайздросна нехта скажа: лёс так
Прыгожа складваецца, нават беражна.
“Але, паверце, ўсё ў жыцці не проста”, –
Паўторыць рэжысёр за мудрым Мележам.
І абвясціўшы праўду “Мудрамерам”,
Пацвердзіць, што чакае лепшая
І п’еса, і карціна. На паперы
Пакуль што думкі аўтара ўсцешвае.
Няхай прадоўжацца няпростыя хвіліны…
Эстэтыкі ўдараў смелых, якасных
Так шмат надарыцца, што самы дзіўны –
Абавязковы ў часе многаактавым.
Магчыма ўсё – да радасці і ладу,
Надзейнага здароўя, добрай прэміі,
Прыміце віншаванні ад Буланды,
Сапраўдны сын найлепшай Акадэміі!
Вера Буланда
15.06. 2019 г.
Присоединяйтесь к ОК, чтобы посмотреть больше фото, видео и найти новых друзей.
Комментарии 4