Zəmanə dəyişib indi çoxusun,
Bir vaxt güman yerim, sirdaşım olub
Qıymadım dırnağı daşa toxunsun,
Ağrıyan öz canım, öz başım olub.
* * *
Pencək geyinsəmdə düyməsiz, cibsiz,
Bir kəlmə yazmadım ilhamsız, təbsiz,
Dəbli tay-tuşumla böyüdüm dəbsiz,
Şükür, geyinməyə qaloşum olub.
* * *
Haqsızlığı görüb, bilib dözənlər,
Duz-çörəyi taptalayıb əzənlər,
Dar günümdə, xəlvət gendən gəzənlər,
Xoş günümdə "bacım", "qardaşım" olub.
* * *
Yoruldum bal kimi hiylə, kələkdən,
Sovruldum xırmanda, keçdim ələkdən,
Hər şeyi özümə dərd eləməkdən,
Dərd də dostum olub, yoldaşım olub.
* * *
Məhərrəm, baxsaqda haqq olan səmtə,
Özün dahi sanır, indi sərsəmdə,
Gündüzü bir təhər yola versəmdə,
Gecə vicdanımla savaşım olub.
Məhərrəm Anar. 15.03.2021.
Присоединяйтесь к ОК, чтобы посмотреть больше фото, видео и найти новых друзей.
Комментарии 24
Bir bənddə icazənlə;
Bar, dòvlətdən qismət,payim olmasada,
Sùfrəmdə mùrəbbəli, cayim olmazada,
Dəbdəbəli villam, sarayim olmasada,
Başimi soxmaga dam- daşim olub..
Haqqı, ədaləti gəzməkdir peşəm,
Olmayıb, şan-şöhrət ardınca düşəm,
Tanrı verdiyinə şükür demişəm,
Nə malım, dövlətim, daş-qaşım olub...