У рамках пасяджэння літаратурнага аб'яднання "Суквецце" пры рэдакцыі "Лідскай газеты" адбылася прэзентацыя зборніка вершаў "З душой і жартам" лідскай паэткі Ганны Гайдукевіч.
Падчас прэзентацыі гучалі песні, цёплыя словы, пажаданні ў адрас аўтара выдання. Заслужана. Сабраліся не толькі калегі па пяры, але і па ранейшай працы...
Зборнік варты таго каб мець яго ў сваёй бібліятэчцы. Ёсць ён і ў Лідскай раённай бібліятэцы імя Янкі Купалы. Знойдзе ён месца і ў Доме Валянціна Таўлая як і рукапісы да яго.
Гэта першая кніга Ганны Гайдукевіч. Будзем спадзявацца, што не апошняя, бо ў паэтэсы вялікі кругагляд на асяроддзе, на акаляючае жыццё, на якое яна глядзіць з душой і жартам.