ფაქტები ბერგიუზარ ქორელზე

1. ბერგიუზარ ქორელი 1982 წლის 27 აგვისტოს დაიბადა სტამბულში. ჰყავს მეუღლე, ჰალით ერგენჩი და შვილი - ალი. არის მსახიობი და მოდელი.
2. სიმაღლე 180სმ
3. ზოდიაქოს ნიშანი: ქალწული
4. ოჯახი: ბერგიუზარ ქორელი ცნობილი კინოვარსკვლავების ჰული დარჯანისა და ტანჟუ ქორელის ოჯახში დაიბადა. ჰყავს უფროსი და, რომელიც ამერიკაში ცხოვრობს.
5. მამამისი 2005 წელს გარდაიცვალა კიბოთი
6. ბავშვობა: ბავშვობის წლები თურქეთის ქალაქ ულუსუში გაატარა. პროფესიონალურად თამაშობდა ხელბურთს. მსახიობობაზე არასდროს უოცნებია. როგორც თავად ამბობს, პროფესიულ არჩევანში დიდი გავლენა იქონია მისმა გენებმა.
7.ბერგიუზარი ბავშვობიდან ოცნებობდა, შეექმნა ბედნიერი ოჯახი და მას ეს ოცნება აუხდა.
8. განათლება: საშუალო განათლება კოლეჯში მიიღო, რის შემდეგაც მინარ სინარის სახელმწიფო უნივერსიტეტში თეატრალურ ფაკულტეტზე მოეწყო.
9. პროფესიული უნარები სიუზან ბასტონთან დახვეწა, რომელიც ნიკოლ კიდმანისა და ტომ ჰენკსის პედაგოგი გახლდათ.
10.პირველი გამოჩენა ეკრანზე: პირველად ტელეეკრანზე 1998 წელს გამოჩნდა. მისი დებიუტი შედგა სერიალში „დამსხვრეული ცხოვრება“. შემდეგ იყო ფილმი „მგლის ბილიკი: ერაყი“, რომლის გადაღების დროს ექიმებმა შეატყობინეს, რომ კიბოთი დაავადებული მამის მკურნალობა უშედეგო იყო. ბერგიუზარმა როლზე უარი განაცხადა, თუმცა დედის დაჟინებული თხოვნით, რომ შვილის წარმატება მამას აუცილებლად გაახარებდა, მსახიობი გადაღებებს დაუბრუნდა. ფილმმა თურქული კინოგაქირავების ყველა რეკორდი მოხსნა.
11.მსოფლიო აღიარება: შეჰრაზადის როლის შესრულებისთვის 2013 წელს გადაეცა ჯილდო „ოქროს პეპელა“ .
12.პირადი ცხოვრება: 2006 წელს მსახიობი ჰალიტ ერგენჩი გაიცნო, მათ ერთად იმუშავეს სერიალზე „1001 ღამე“. ერთობლივმა სამუშაომ დააახლოვა ბრწყინვალე მსახიობები და მათ შორის უდიდესი გრძნობა გაჩნდა. ჰალიტი დაქორწინებული იყო, თუმცა ამ გარემოებამ სულაც არ იმოქმედა შეყვარებულ წყვილზე - ჰალიტ ერგენჩი მეუღლეს გაეყარა და 2009 წელს ქორელზე დაქორწინდა. ჰალიტი და ბერგიუზარი ერთ-ერთი ყველაზე ლამაზი წყვილია თურქეთის სამსახიობო სფეროში.
13.გატაცება: ხელბურთი, ცეკვა, ფორტეპიანო და ციგურებით სრიალი. ასევე, უყვარს კულინარია. მეუღლესა და შვილს ხშირად ანებივრებს თავისი მომზადებული კერძებით და, როგორც თავად აცხადებს, ეს პროცესი უდიდეს სიამოვნებას ანიჭებს.
14.საყვარელი აქსესუარი: ხელჩანთა.
15.უყვარს ცხოველები, განსაკუთრებით - კატები.
16.კარგად ფლობს ინგლისურ ენას.
17. იმისთვის, რომ მუდმივად ფორმაში იყოს, კვირაში 3-ჯერ ვარჯიშობს, მუდმივად აკონტროლებს წონას და იცავს დიეტებს, თუმცა ერთადერთი, რაზეც უარს ვერასდროს ამბობს, ტკბილეულია. #ბერგი